Balakrishna: కుర్ర దర్శకుడి కథకు బాలయ్య ఓకే చెబుతారా?

బాలకృష్ణ అంటేనే మాస్‌.. మాస్‌ అంటేనే బాలయ్య. అంతగా ఆయనకు పేరుండిపోయింది. అయితే బాలకృష్ణ తన కెరీర్‌లో కొన్ని ప్రయోగాలు కూడా చేసున్నారు. ‘ఆదిత్య 369’ అంటూ ఆ రోజుల్లోనే తనలోని ప్రయోగ కాంక్షను చూపించారు. అయితే ఇటీవల కాలంలో బాలకృష్ణ నుండి ప్రయోగాలు తక్కువయ్యాయి అని చెప్పాలి. అయితే ఇప్పుడు బాలయ్య మరోసారి తనలోని ప్రయోగ కాంక్షను బయటకు తీశారని తెలుస్తోంది. అంటే ఓ యంగ్ డైరెక్టర్‌తో ప్రయోగం చేయాలని చూస్తున్నారట.

‘వీర సింహా రెడ్డి’ తర్వాత బాలకృష్ణ ఏం సినిమా చేయబోతున్నారు అనే ప్రశ్నకు అనిల్‌ రావిపూడి సినిమా అనే సమాధానం వస్తుంది. అయితే ఆ తర్వాతి సినిమా గురించే ఇప్పుడు మాట్లాడుతున్నాం. వరుసగా మాస్‌ సినిమాలు చేసుకుంటూ వస్తున్న బాలకృష్ణ.. అనిల్‌ రావిపూడి సినిమాతో చిన్నపాటి ప్రయోగం చేస్తున్నాడనే చెప్పాలి. యుక్తవయసు ఉన్న కూతురికి తండ్రిగా కనిపించబోతున్నాడు మరి బాలయ్య ఆ సినిమాలో. ప్రస్తుత పుకార్ల ప్రకారం అయితే ఆ తర్వాతి సినిమా పూర్తి స్థాయిలో ఎక్స్‌పెరిమెంట్‌ అనే చెప్పాలి.

‘కేరాఫ్‌ కంచరపాలెం’ అంటూ మెస్మరైజింగ్‌ కాన్సెప్ట్‌తో వచ్చిన వెంకటేశ్‌ మహా. ఆ తర్వాత కూడా తన సినిమాల విషయంలో ప్రయోగం ఎలిమెంట్స్‌ ఉన్నట్లుగానే చూసుకున్నారు. ‘ఉమా మహేశ్వర ఉగ్ర రూపస్య’ అంటూ వచ్చారు. చిన్న కాన్సెప్ట్‌ సినిమాలే అయినా వాటికిగాను ఆయనకు మంచి పేరే వచ్చింది. అయితే ఇప్పుడు ఆయన.. బాలకృష్ణకు ఓ కథ వినిపించే ప్రయత్నంలో ఉన్నారని వార్తలొస్తున్నాయి. బాలయ్య కోసం స్క్రీన్ ప్లేతో సహా ఒక కథ సిద్ధంగా ఉందట ఆయన దగ్గర.

సైకలాజికల్ డ్రామాగా సిద్ధం చేసుకున్న ఆ కథలో డార్క్ కామెడీ కూడా ఉంటుందట. బాలయ్యకు ఈ సినిమా సరిగ్గా ఉంటుందని చెబుతున్నారు వెంకటేశ్‌ మహా. అయితే ఈ సినిమా బాలకృష్ణ బాడీ ట్రాన్స్‌ఫర్మేషన్ అవ్వాల్సిన అవసరం ఉందట. ప్రస్తుతం జరుగుతున్న ఓ అంశాన్ని అందరికీ అర్ధమయ్యే రీతిలో రాసుకున్నారట వెంకటేశ్‌ మహా. అయితే ఇలాంటి కథలోనూ తన స్టైల్‌ ఎంటర్‌టైన్మెంట్‌ ఉంటుంది అని చెబుతున్నారు. ఈ సినిమాను గీతా ఆర్ట్స్‌ ప్రొడ్యూస్‌ చేయొచ్చనే పుకార్లు వస్తున్నాయి.

ఊర్వశివో రాక్షశివో సినిమా రివ్యూ & రేటింగ్!

Most Recommended Video

లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!