బాలయ్య గోపీచంద్ మలినేని కాంబో మూవీ కన్నడలో హిట్ గా నిలిచిన మఫ్టీ సినిమాకు రీమేక్ అని ప్రచారం జరగగా మేకర్స్ ఇప్పటికే ఆ ప్రచారాన్ని ఖండించిన సంగతి తెలిసిందే. దర్శకుడు గోపీచంద్ మలినేని సొంత కథతోనే ఈ సినిమాను తెరకెక్కిస్తున్నారని తెలుస్తోంది. అఖండ సక్సెస్ తర్వాత బాలయ్య హీరోగా క్రాక్ సక్సెస్ తర్వాత గోపీచంద్ మలినేని డైరెక్షన్ లో తెరకెక్కుతున్న సినిమా కావడంతో ఈ సినిమాపై భారీగా అంచనాలు ఏర్పడ్డాయి.
వరుసగా విజయాలను సొంతం చేసుకుంటున్న మైత్రీ మూవీ మేకర్స్ బ్యానర్ పై ఈ సినిమా తెరకెక్కుతుండటం గమనార్హం. అన్నాచెల్లెళ్ల మధ్య ఇగోకు సంబంధించిన కథతో ఈ సినిమా తెరకెక్కనుందని సమాచారం అందుతోంది. అన్నగా, మేనల్లుడిగా రెండు పాత్రల్లో బాలయ్య ఈ సినిమాలో కనిపిస్తారని సినిమాలో అన్న పాత్ర చనిపోతుందని తెలుస్తోంది. అమెరికాలో ఈ సినిమాకు సంబంధించి కొంతభాగం షూటింగ్ జరగనుంది. మరోవైపు కొన్ని రోజుల క్రితం ఈ సినిమాకు వీర సింహా రెడ్డి అనే టైటిల్ ప్రచారంలోకి రాగా ఈ టైటిల్ పై బాలయ్య పెద్దగా ఆసక్తి చూపలేదని తెలుస్తోంది.
ప్రస్తుతం మేకర్స్ ఈ సినిమాకు సరైన టైటిల్ ను ఫిక్స్ చేసే పనిలో పడ్డారు. బాలయ్యకు జోడీగా ఈ సినిమాలో శృతి హాసన్ నటిస్తుండగా ఆమె పాత్ర వెరైటీగా ఉండనుందని తెలుస్తోంది. బాలయ్య తన సినిమాల్లో స్టార్ హీరోయిన్లు నటించేలా జాగ్రత్తలు తీసుకుంటున్నారు. శృతిహాసన్ సైతం ఒకవైపు స్టార్ హీరోలతో మరోవైపు సీనియర్ హీరోలతో నటిస్తూ బిజీగా ఉన్నారు. ఈ ఏడాదే ఈ సినిమా రిలీజయ్యే ఛాన్స్ ఉందని తెలుస్తోంది.
ఈ నెల 3, 4 తేదీలలో కర్నూలు జిల్లాలోని అహోబిలంలో ఈ సినిమా షూటింగ్ జరగనుంది. యాక్షన్ కు ఈ సినిమాలో భారీస్థాయిలో ప్రాధాన్యత ఉండనుందని తెలుస్తోంది. అఖండ సినిమాకు యాక్షన్ సీన్స్ హైలెట్ గా నిలవగా ఆ సినిమాను మించి ఈ సినిమాలో యాక్షన్ సన్నివేశాలు ఉండనున్నాయని బోగట్టా.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
