మాంచి మెలోడీ స్లాంగ్స్‌ ప్లే లిస్ట్ ఏమైనా ఉంటే పంపించు అని మీ ఫ్రెండ్‌కి ఎవరికైనా అడిగితే.. పంపించే పాటల్లో ‘అందాల ఆడబొమ్మ..’ పాట కచ్చితంగా ఉంటుంది. ఫ్యానిజంతో సంబంధం లేకుండా చూసేవాళ్లకే అలా అనుకోండి. అంతటి అద్భుతమైన ఈ పాట ‘సమర సింహా రెడ్డి’ సినిమాలోనిది అని మీకు ప్రత్యేకంగా గుర్తు చేయక్కర్లేదు. అలాంటి పాటను ఇప్పుడు మరోసారి వెండితెరపై చూపించాలని అనుకుంటున్నారు బాలయ్య. రీరిలీజ్‌ల సీజన్‌ కదా ‘సమర సింహా రెడ్డి’ని మళ్లీ తీసుకొస్తారేమో అనుకునేరు.
కాదు, కాదు కేవలం పాట మాత్రమే తెస్తున్నారు అని సమాచారం. ‘అందాల ఆడబొమ్మ.. ఎంత బాగుంది ముద్దుగుమ్మ..’ ఈ పాటను ఇప్పటికీ హమ్‌ చేసుకుంటూ ఉంటారు సంగీత ప్రియులు. నందమూరి బాలకృష్ణ, అంజలా ఝవేరి జంటగా గ్రేస్‌ స్టెప్పులేసిన పాట అది. పాటకు దివంగత సిరివెన్నెల సీతారామ శాస్త్రి అందించిన లిరిక్స్‌, మెలోడీ బ్రహ్మ మణిశర్మ సంగీతం కలసి అదిరిపోయాయి. ఇప్పుడు ఇదే పాటను దాదాపు 24 ఏళ్ల తర్వాత మరోసారి బాలయ్య మీద చిత్రీకరించాలని అనుకుంటున్నారట.
నేలకొండ ‘భగవంత్‌ కేసరి’ సినిమాలో (Balayya Babu) బాలయ్య, కాజల్‌ అగర్వాల్‌ జోడీగా ఈ పాట ఉంటుంది అంటున్నారు. శరవేగంగా షూటింగ్‌ జరుపుకుంటున్న ఈ సినిమాకు సంబంధించి పాటల చిత్రీకరణ స్టేజ్‌ వచ్చిందట. ఈ క్రమంలో ‘అందాల ఆడబొమ్మ..’ ప్రస్తావన వచ్చింది. అయితే కావాలనే ఈ పాట చేస్తున్నారా? లేక రిఫరెన్స్‌గా ఏదైనా సీన్‌ ఉందా అనేది చూడాలి. ఎందుకంటే శ్రీలీల ఇమేజినేషన్‌లో ఈ పాట ఉంటుంది అనే ఓ పుకారు కూడా వచ్చింది కాబట్టి.
ఇక ఈ సినిమా సంగతి చూస్తే… యుక్త వయసులోని అనుకోని విధంగా జైలుకు వెళ్తాడు భగవంత్‌ కేసరి. శిక్ష అనుభవించి తిరిగి వచ్చాక తన బిడ్డను తిరిగి విలన్ల నుండి రక్షించుకుంటూ ఉంటారు. అయితే ఆయన పాస్ట్‌లో కథ వేరే ఉంటుంది. అదేంటి, ఈ బిడ్డ ఎవరు అనేదే సినిమా కథ అంటున్నారు. అనిల్ రావిపూడి స్టైల్‌ వినోదానికి, బాలయ్య అగ్రెషన్‌ కలిపి ఈ సినిమా అంటున్నారు. దానికి శ్రీలీల క్యూట్‌నెస్‌ యాడింగ్‌ చేస్తున్నారట. మరి అప్పుడు ఉదిత్‌ నారాయణ్‌, సుజాత పాడిన పాటు ఇప్పుడు ఎవరు ఆలపిస్తారో చూడాలి.
2023 టాప్- 10 గ్రాసర్స్.. ఏ సినిమా ఎక్కువ కలెక్ట్ చేసిందంటే?
‘భోళా శంకర్’ తో పాటు కోల్‌కతా బ్యాక్ డ్రాప్ లో రూపొందిన 10 సినిమాల రిజల్ట్స్.!
‘వాల్తేరు..’ టు ‘జైలర్’.. ఈ ఏడాది ఫస్ట్ వీక్ ఎక్కువ కలెక్షన్స్ రాబట్టిన సినిమాల లిస్ట్
