బిగ్బాస్ నాలుగో సీజన్లో సోహైల్ ఉన్నాడనే విషయం అందరికీ తెలిసిందే. ఎప్పుడో నైబర్ హౌస్ నుంచి ఇంట్లోకి వచ్చిన రోజు సోహైల్ తెర మీద ఎక్కువసేపు కనిపించాడు. ఆ తర్వాత అంతగా కనిపించింది లేదు. సోమవారం నామినేషన్ల టైమ్లో కనిపించినా… అఖిల్ డామినేషనే కనిపించింది. అయితే మంగళవారం పరిస్థితి మారింది. ఎంతగా అంటే… ఈ రోజు ప్రసారమైన ఎపిసోడ్లో ఎక్కడ చూసినా సోహైలే ఉండేటంత. ఇంకా మంగళవారం (23వ రోజు)ఏం జరిగిందంటే?
* మార్నింగ్ మస్తీలో భాగంగా ఈ రోజు సోహైల్కు ‘దొంగతనం ఎలా?’ అనే టాస్క్ ఇచ్చాడు బిగ్బాస్. దానికి రకరకాల ఉదాహరణలతో సోహైల్ వివరించి చెప్పాడు. అయితే అది కట్లో ఎగిరిపోయింది.
* ‘ఉక్కు హృదయం’ టాస్క్ గొడవలు ఇంట్లో ఇంకా సమసిపోలేదు. ఆ రోజు జరిగిన విషయమై అభిజీత్ – సోహైల్ మధ్య చర్చ జరిగింది. ఒకానొక దశలో నువ్వంటే నువ్వు అనే స్థాయికి వెళ్లింది.
* ఆ చర్చ తర్వాత బయటకు వెళ్లి మెహబూబ్ – అభిజీత్ డిస్కషన్ పెట్టుకున్నారు. బయట టాస్క్ సమయంలో అటాక్ గేమ్ వద్దు అని చెప్పి… ఇంట్లో దివి మీద ఎలా ఎటాక్ చేశారు అని మెహబూబ్ అడిగాడు. అయితే మేం ఎటాక్ చేయలేదు అని అభిజీత్ క్లారిటీ ఇచ్చాడు.
* ఈ వారం కెప్టెన్సీ పోటీదారులు ఎవరు అనే విషయాన్ని తేల్చడానికి బిగ్బాస్ ‘కిల్లర్ కాయిన్స్’ అనే టాస్క్ ఇచ్చాడు. గాల్లోంచి వచ్చే కాయిన్స్ను ఎవరు ఎక్కువగా సేకరిస్తారనేదే ఈ టాస్క్. ఇందులో అత్యధిక కాయిన్స్ సంపాధించిన వారికి ప్రత్యేక ప్రయోజనాలు ఉంటాయని బిగ్బాస్ తెలిపారు
