సహజంగా సినీ పరిశ్రమలో ఒక్కో దర్శకుడు ఒక్కో హీరోనూ తన ఇమ్యాజినేషన్ లో పెట్టుకుని కధ రడీ చేసుకుంటాడు. కానీ కొన్ని అనుకోని కారణాలవల్లనో, లేకపోతే అనివార్య కారణాల వల్లనో, ఆ కధలు వారు ఊహించుకున్న హీరోలతో కాకుండా, ఊహల్లో లేని హీరోలతో చెయ్యాల్సి వస్తుంది. విషయం ఏమిటంటే…తాజాగా సునీల్ హీరోగా…ఎన్నో ఆశలు పెట్టుకున్న సినిమా ‘కృష్ణాష్టమి’. ఈ సినిమా ఎంత పెద్ద డిజాస్టర్ అయ్యిందో అందరికీ తెలిసిందే. అయితే ఈ సినిమా అసలు మన బన్నీ…అదే స్టైలిష్ స్టార్ చెయ్యాల్సి ఉంది, కానీ అతని అదృష్టమో, లేకపోతే సునీల్ కు పట్టిన దరిద్రమో తెలీదు కానీ మొత్తానికి ఈ సినిమాను బన్నీ వదిలేసుకున్నాడు. దానికి కారణం కధ నచ్చకపోవడమే.
ఇదిలా ఉంటే ప్రస్తుతం బన్నీ చేస్తున్న ‘సరైనోడు’ సినిమా కధ ఇప్పటికీ బోయపాటి గోపించంద్ కు చెప్పగా, అతను రిజెక్ట్ చేసిన విషయం తెలిసిందే. దానికి గల కారణాలు పక్కన పెడితే….తాజాగా ఈ కధను మరో హీరో సైతం రిజెక్ట్ చేసాడంట. అతనెవరో కాదు…..మెగా పవర్ స్టార్ రామ్‌చరణ్. కధ నచ్చలేదో, లేకపోతే దర్శకుడు వివరించిన విధానం నచ్చలేదో తెలీదు కానీ, మొత్తానికి చెర్రీ ఈ కధకు నో చెప్పాడు. ఇక చివరకు బన్నీను చేరిన ఈ కధ అల్లు ఆరవింద్ పర్యవేక్షణలో కొన్ని మార్పులు, చేర్పులు, మసాలాలు వడ్డించి చివరకు సెట్స్ పైకి వెళ్ళింది. ఇది మొత్తానికి సరైనోడు సినిమా కధ. మరి ఇన్ని దాటుకుని వచ్చిన ఈ కధ మన స్టైలిష్ స్టార్ కి ఎలాంటి ఫలితాన్ని అందిస్తుందో చూదాలి.
