గత కొన్ని రోజులుగా ఓ యువ నటి గొడవకు సంబంధించిన కొన్ని వీడియోలు సోషల్‌ మీడియాలో వైరల్ అవుతున్నాయి. ఓ పబ్ దగ్గర జరిగిన గొడవ అది. ఎందుకు చేసింది అనేది ఒక రకం గొడవ అయితే, ఆ తర్వాత కావాలనే చేసింది అంటూ మరో రకం చర్చ నడుస్తోంది. ఆ నటి కల్పిక గణేశ్‌ (Kalpika Ganesh) అని మీకు అర్థమయ్యే ఉంటుంది. ఆ గొడవ గురించి ఆ పబ్ యాజమాన్యం ఇప్పుడు కేసు పెట్టింది. దీంతో టాలీవుడ్ నటి కల్పిక చిక్కుల్లో పడింది అని చెప్పొచ్చు.
కల్పిక గణేశ్‌పై (Kalpika Ganesh) గచ్చిబౌలి పోలీసులు కేసు నమోదు చేశారు. గత నెల 29న వట్టినాగులపల్లిలోని ప్రిజం పబ్లో బిల్ చెల్లించకుండా పబ్ సిబ్బంది పట్ల కల్పిక గణేశ్‌ (Kalpika Ganesh) అసభ్యంగా ప్రవర్తించిందని కేసు సారాంశం. తమ సిబ్బందిని బూతులు తిట్టడంతోపాటు బాడీ షేమింగ్ చేసిందని.. ప్లేట్స్ విసిరేసి గొడవ చేసిందని ఆ ఫిర్యాదులో పేర్కొన్నారు. దీంతో కల్పికపై 324 (4), 352, 351 (2) BNS యాక్ట్‌ల కింద కేసు నమోదు చేసినట్లు గచ్చిబౌలి పోలీసులు తెలిపారు.
ఆ రోజు పబ్‌కి వచ్చిన కల్పిక.. రూ. 2200 బిల్ చేసి కాంప్లిమెంటరీ కేక్ ఇవ్వమని కోరారని, ఇవ్వనందుకు బిల్ కట్టకుండా హంగామా చేశారని పబ్ యాజమాన్యం ఫిర్యాదులో పేర్కొన్నారు. అంతేకాకుండా తమ మేనేజర్, ఇతర సిబ్బందిపై అత్యాచారం, అసభ్య పవర్తన ఆరోపణలు కూడా చేశారని అందులో రాసుకొచ్చారు. పోలీసుల ఎదుట కూడా కల్పిక అసత్య ఆరోపణలు చేశారని వారు తెలిపారు. తమ ఆస్తులు కూడా ధ్వంసం చేశారని కూడా అందులో రాసుకొచ్చారు.
కల్పిక గణేశ్‌ (Kalpika Ganesh) ‘సీతమ్మవాకిట్లో సిరిమల్లె చెట్టు’ (Seethamma Vakitlo Sirimalle Chettu), ‘యశోద’ (Yashoda) , ‘నమో వెంకటేశా’ (Namo Venkatesa) , ‘జులాయి’ (Julayi) , ‘సారొచ్చారు’ (Sarocharu) , ‘హిట్ 1’ (Hit 1) , ‘పడి పడి లేచే మనసు’ (Padi Padi Leche Manasu) తదితర చిత్రాల్లో నటించారు. గతంలో ఓ యువ నటుడితో కల్పికకు సోషల్‌ మీడియాలో వెర్బల్ వార్‌ జరిగింది. ఇప్పుడు పబ్ పంచాయితీ నడుస్తోంది.
Home