Venky Kudumula: యంగ్ డైరెక్టర్ వెంకీ కుడుముల కి నిర్మాత దొరుకుతాడా..?

మెగాస్టార్ చిరంజీవి నటించిన ‘గాడ్ ఫాదర్’ సినిమా దసరా కానుకగా ప్రేక్షకుల ముందుకొచ్చింది. ఈ సినిమాకి అన్ని వర్గాల ప్రేక్షకుల నుంచి హిట్ టాక్ వచ్చింది. కలెక్షన్స్ ఆశించిన స్థాయిలో మాత్రం రాలేదని సమాచారం. ప్రస్తుతం చిరు.. బాబీ దర్శకత్వంలో ఓ సినిమా చేస్తున్నారు. ఆ తరువాత మెహర్ రమేష్ తో కూడా సినిమా ఉంది. ఈరోజు దీపావళి సందర్భంగా బాబీ సినిమా టైటిల్ టీజర్ ను రిలీజ్ చేశారు.

‘వాల్తేర్ వీరయ్య’ అనే టైటిల్ ను ఫిక్స్ చేశారు. నిజానికి ఈ సినిమా టైటిల్ ను కొన్నాళ్లక్రితం చిరు స్వయంగా రివీల్ చేశారు. ఇప్పుడు మేకర్స్ అఫీషియల్ గా ప్రకటించారు. ఈ సినిమా వచ్చే ఏడాది సంక్రాంతికి రిలీజ్ కాబోతుందని సమాచారం. ఇదిలా ఉండగా.. యంగ్ డైరెక్టర్ వెంకీ కుడుములతో సినిమా చేయడానికి ఒప్పుకున్నారు మెగాస్టార్. దీనికి డీవీవీ దానయ్య నిర్మాతగా వ్యవహరించాలనుకున్నారు. అయితే కొన్ని రోజులుగా ఈ సినిమా క్యాన్సిల్ అయిందని ప్రచారం జరుగుతుంది.

చిరంజీవి తన ఫ్యూచర్ ప్రాజెక్ట్స్ గురించి మాట్లాడేప్పుడు వెంకీ కుడుముల పేరుని ప్రస్తావించడం లేదు. దీంతో నిజంగానే సినిమా ఆగిపోయిందని అనుకున్నారు. కానీ అందులో నిజం లేదని సమాచారం. ఈ సినిమాకి సంబంధించిన స్క్రిప్ట్ పనులు జరుగుతున్నాయట. చిరంజీవి స్టామినాకు తగ్గట్లుగా ఓ సబ్జెక్ట్ ను రెడీ చేశారట వెంకీ కుడుముల.

రీసెంట్ గా చిరు కూడా కథకు గ్రీన్ సిగ్నల్ ఇచ్చారట. కానీ మొదట అనుకున్నట్లుగా డీవీవీ దానయ్య ఈ సినిమాను నిర్మించడం లేదు. ఆయన పక్కకు తప్పుకున్నారు. దీంతో ఇప్పుడు వెంకీ మరో ప్రొడ్యూసర్ కోసం ఎదురుచూస్తున్నారు. ప్రొడ్యూసర్ ఫైనల్ అయిన వెంటనే ప్రాజెక్ట్ ను ప్రకటించాలని చూస్తున్నారు.

జిన్నా సినిమా రివ్యూ& రేటింగ్!

Most Recommended Video

ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!