పవన్ కళ్యాణ్ రికార్డులను తిరగరాస్తున్న చిరంజీవి

మెగాస్టార్ చిరంజీవి టాలీవుడ్ రికార్డుల దుమ్ము దులుపుతున్నారు. వివి వినాయక్ దర్శకత్వంలో తెరకెక్కిన చిరు 150 వ మూవీ ఖైదీ నంబర్ 150 విడుదలకు ముందే సంచలనం సృష్టిస్తోంది. మెగా పవర్ స్టార్ రామ్ చరణ్ తేజ్ నిర్మించిన ఈ చిత్రం టీజర్ యూట్యూబ్ లో ఎక్కువ వ్యూస్ అందుకుంది. అంతే కాదు ఆ సినిమాలోని  ఒక్కొక్క పాట మెగా అభిమానుల మనసుదోచుకుంటోంది. పాట రిలీజ్ అయిన కొన్ని గంటల్లోనే మిలియన్ వ్యూస్ మార్క్ దాటేయడం మెగాస్టార్ పవర్ చూపిస్తోంది. రీసెంట్ గా  సినిమా శాటిలైట్ హక్కులు భారీ ధరకు అమ్ముడు పోయి అందరినీ ఆశ్చర్య పరిచింది. ఖైదీ నంబర్ 150 శాటిలైట్ హక్కులు13 కోట్లకు అమ్మడు పోయి పవన్ కళ్యాణ్ సర్ధార్ గబ్బర్ సింగ్ రికార్డును సమయం చేసింది. పవన్ గత చిత్రం 13 కోట్లకు మాటీవీ కొన్న సంగతి తెలిసిందే.

తొమ్మిదేళ్ల తర్వాత రీ ఎంట్రీ ఇస్తున్నప్పటికీ మెగాస్టార్ కి క్రేజ్ తగ్గలేదని ఈ విషయం రుజువు చేసింది. టాలీవుడ్ ట్రేడ్ వర్గాలను ఆశ్చర్యపోతున్న మరో విశేషం ఏమిటంటే చిరు సినిమా ప్రీ రిలీజ్ బిజినెస్. తెలుగు రాష్ట్రాలతో పాటు పొరుగు రాష్ట్రాల్లోనూ ఖైదీ హవా నడుస్తోంది. తాజాగా కర్ణాటక రాష్ట్రానికి చెందిన థియేటర్ హక్కులు 8 .5 కోట్లకు పోటీ పడి ఓ డిస్ట్రిబ్యూటర్ సంస్థ సొంతం చేసుకున్నట్లు సమాచారం. పవన్ కళ్యాణ్ ఏ మూవీ ఇంత ధర పలకలేదు. ఇలా తమ్ముడి పేరిట రికార్డులను ఒక్కొక్కటిగా అన్నయ్య తిరగరాస్తున్నారు.

Also, do SUBSCRIBE to our YouTube channel to get latest Tollywood updates.