రజినీ ఫ్యాన్స్ కు పండగే..!

సౌత్ ఇండియన్ సూపర్ స్టార్ రజినీకాంత్, ఏ.ఆర్.మురుగదాస్ డైరెక్షన్లో తెరకెక్కుతోన్న ‘దర్బార్’ చిత్రం రేపు విడుదల కాబోతున్న సంగతి తెలిసిందే. ఈ చిత్రం పై తెలుగు ప్రేక్షకుల్లో కూడా భారీ అంచనాలు నెలకొన్నాయి. మరికొన్ని గంటల్లో విడుదల కాబోతున్న ఈ చిత్రం కథ ఇదేనంటూ ప్రస్తుతం ఫిలిం సర్కిల్స్ లో డిస్కషన్లు మొదలవుతున్నాయి. ఫైనల్ గా ఈ చిత్రానికి పాజిటివ్ రిపోర్ట్స్ వస్తుండడం విశేషం. చెన్నై ఫిల్మ్ సర్కిల్స్ నుండీ కూడా ఈ చిత్రానికి పాజిటివ్ రిపోర్ట్స్ వస్తున్నాయి.

ఇక ఈ చిత్రం కథ విషయానికి వస్తే… ముంబై కమిషనర్ ఆదిత్య అరుణాచలం ఓ కేసు విషయంలో ఎంక్వయిరీ చేస్తున్న టైములో అనుకోకుండా ఓ పెద్ద స్కామ్ కు సంబంధించిన వివరాలు లభిస్తాయి. ఆయనకి దొరికిన సమాచారం ప్రకారం.. ఆ స్కామ్ లో ప్రభుత్వ అధికారులు, రాజకీయ నాయకులతో పాటు, పోలీస్ వారు కూడా ఉన్నారని తెలుస్తుంది. అదే టైములో రజనీకు, విలన్ కు డైరెక్ట్ గా జరిగిన డిస్కషన్, ఛాలెంజ్ దగ్గర ఇంటర్వెల్ పడుతుందట. అక్కడే ఓ ట్విస్ట్ కూడా ఉండబోతుందని సమాచారం. అయితే రజనీ నిజంగా పోలీసా.? లేక దొంగా.? అనేది ప్రస్తుతానికి అయితే సస్పెన్స్. అసలు రజినీ దొంగ అయితే… పోలీస్ డిపార్ట్ మెంట్ కు ఎలా ఎంట్రీ ఇస్తాడు.? ఇక సెకండాఫ్ లో రజినీకి ఓ ఫ్లాష్ బ్యాక్. హీరోయిన్ మరియు విలన్ కి సంబంధించిన ఇంట్రడక్షన్,అక్కడే ఉంటుందట. అక్కడే ఓ హీరోకి, విలన్ కి ఓ ఫైట్ కూడా ఉంటుందని తెలుస్తుంది. ఇద్దరి మధ్యా జరిగే వార్లో .. చివరికి హీరో గెలిచినా … అతన్ని సొసైటీ మొత్తం.. విలన్ గానే చూస్తుంది. అలా రజినీ ఓ బ్యాడ్ పర్సన్ గా ఉండిపోతాడని తెలుస్తుంది. మరి చివరికి ఏం జరుగుతుందో రేపు తెలుసుకుందాం. ఏమైనా రజినీ ఫ్యాన్స్ కు కావాల్సిన మాస్ ఎలిమెంట్స్ పుష్కలంగా ఉంటాయని తెలుస్తుంది.

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!