Dev Gill: ‘అహో! విక్రమార్క’ అంటూ హీరోగా మారిన చరణ్ విలన్.. టీజర్ చూశారా?

దేవ్ గిల్ (Dev Gill) .. ‘మగధీర’ (Magadheera) విలన్ గా బాగా ఫేమస్. ఇతని మొదటి సినిమా నాగార్జున (Nagarjuna) – మంచు విష్ణు (Manchu Vishnu) కాంబినేషన్లో వచ్చిన ‘కృష్ణార్జున’ (Krishnarjuna). అయినప్పటికీ, రాజమౌళి (SS Rajamouli) – చరణ్ (Ram Charan)  కాంబినేషన్లో వచ్చిన ‘మగధీర’ ఇతనికి తిరుగులేని క్రేజ్ ని తెచ్చిపెట్టింది. ఆ తర్వాత విలన్ గా బోలెడన్ని ఆఫర్లు సంపాదించుకున్నాడు. ఇప్పుడు హీరోగా మారి ‘అహో విక్రమార్క’ అనే సినిమా చేస్తున్నాడు. ‘దిక్కులు చూడకు రామయ్య’ ‘జువ్వ’ వంటి సినిమాలు తీసిన రాజమౌళి అసిస్టెంట్..

పేట త్రికోటి ఈ చిత్రానికి దర్శకుడు. ‘దేవ్ గిల్ ప్రొడక్షన్స్’ బ్యానర్ ను స్థాపించి దేవ్ గిల్ భార్య ఆర్తి దేవేందర్ గిల్ ఈ చిత్రాన్ని మీహిర్ కులకర్ణి, అశ్విని కుమార్ మిశ్రా..లతో కలిసి ఎంతో ప్రతిష్టాత్మకంగా నిర్మిస్తున్నారు. తాజాగా ఈ చిత్రం టీజర్ ని దర్శకుడు రాజమౌళి లాంచ్ చేయడం జరిగింది. 1:01 నిమిషాల నిడివి కలిగిన ‘అహో విక్రమార్క’ టీజర్ విషయానికి వస్తే.. ఇదో పవర్ పోలీస్ ఆఫీసర్ కథ అని తెలుస్తుంది.

అనగనగా ఒక ఊరు.. అక్కడ జనాలను పీడించే ఓ కిరాతకుడు ఉంటాడు. అతని అనుచరులు చేసే దౌర్జన్యాలని హీరో అడ్డుకోవడంతో వీరి మధ్య వైరం స్టార్ట్ అవుతుంది. టీజర్ మొత్తాన్ని యాక్షన్ సీన్స్ తో నింపేశారు. అంతర్లీనంగా ఓ ఎమోషనల్ టచ్.. అలాగే స్ట్రాంగ్ మెసేజ్ కూడా ఉన్నట్టు దర్శకుడు త్రికోటి చెప్పుకొచ్చాడు. ట్రైలర్లో నిర్మాణ విలువలు బాగున్నాయి. దేవ్ గిల్ యాక్షన్ సీన్స్ కూడా బాగా చేసినట్లు తెలుస్తుంది. టీజర్ ని మీరు కూడా ఓ లుక్కేయండి :