ఒక సినిమాకి బజ్ తీసుకురావాలన్నా, ఒక సినిమాని ఎలివేట్ చేయాలన్నా అది సంగీత దర్శకుడి చేతిలోనే ఉంటుంది. దర్శకుడు ఎంత కొత్తగా సీన్ ను కంపోజ్ చేసినా, హీరోకి ఎంత పెద్ద ఇమేజ్ ఉన్నా, నిర్మాత ఎంత ఖర్చు చేసినా.. అవుట్ పుట్ అనేది పూర్తిగా సంగీత దర్శకుడి చేతిలో ఉంటుంది. అందుకే.. దర్శకులు, హీరోలు తమ సినిమాలకి పేరున్న సంగీత దర్శకులు కావాలని వెంపర్లాడుతున్నారు. ఈ క్రమంలో సంగీత దర్శకులకు విపరీతమైన డిమాండ్ పెరిగిపోతుంది.
ఒక్కో సంగీత దర్శకుడి చేతిలో 15, 20 సినిమాలు ఉంటున్నాయి. అయితే.. జూన్ 20కి రిలీజ్ డేట్ ఫిక్స్ చేసుకున్న “కుబేరా” (Kubera) సినిమాకి ఇప్పటివరకు పాటల ఫైనల్ మిక్సింగ్ అవ్వలేదట. ఈ విషయాన్ని ఇటీవల నిర్మాత సునీల్ నారంగ్ (Suniel Narang) కూడా చెప్పుకొచ్చారు. సరిగ్గా 10 రోజులు కూడా లేదు, అలాంటిది ఇంకా ఫైనల్ మిక్సింగ్ అవ్వకపోవడం అనేది చర్చనీయాంశంగా మారింది. ఈ చిత్రానికి దేవిశ్రీప్రసాద్ (Devi Sri Prasad) సంగీతం అందిస్తుండగా..
ఇప్పటివరకు విడుదలైన రెండు పాటలు, టీజర్ సినిమా మీద మంచి అంచనాలు నమోదయ్యేలా చేసింది. మరి దేవి ఎందుకు లేట్ చేస్తున్నాడు, అసలు సమస్య ఎక్కడుంది అనేది తెలియాల్సి ఉంది. అలాగే.. అనిరుధ్ (Anirudh Ravichander) కూడా “కింగ్డమ్” (Kingdom) విషయంలో సరిగా స్పందించడం లేదని వినికిడి. ఈ సినిమా కోసం గౌతమ్, విజయ్ దేవరకొండ(Vijay Devarakonda), నాగవంశీ (Suryadevara Naga Vamsi) పట్టుబట్టి మరీ అనిరుధ్ ను తెచ్చుకున్నారు. టీజర్ కి కూడా అనిరుధ్ టైమ్ కుదరక లేట్ గా రిలీజ్ చేయాల్సి వచ్చింది.
ఇప్పుడు కూడా జూలై 4 నుండి సినిమాను తప్పించడానికి కారణం అనిరుధ్ ఫైనల్ అవుట్ పుట్ ఇవ్వకపోవడమే అని తెలుస్తోంది. ఈ విధంగా చూసుకుంటే.. సినిమాకి సెకండ్ హీరోల్లాంటి ఈ సంగీత దర్శకులు ఇప్పుడు విలన్లు అయ్యారు. మరి వాళ్ళు నిజంగానే విలన్లు అయ్యారా, లేక తప్పు వారి మీద తోసేస్తూ అలా ప్రాజెక్ట్ చేస్తున్నారా అనేది దర్శకనిర్మాతలకి తెలియాలి.
Home