Ravi Teja: రవితేజ గురించి షాకింగ్ విషయాలు బయటపెట్టిన డైరెక్టర్ గోపీచంద్ మలినేని!

April 3, 2023 / 07:17 PM ISTByFilmy Focus

Join Us

Ravi Teja: రవితేజ గురించి షాకింగ్ విషయాలు బయటపెట్టిన డైరెక్టర్ గోపీచంద్ మలినేని!

టాలీవుడ్ ఇండస్ట్రీలో మాస్ మహారాజ్ గా ఎంతో మంచి గుర్తింపు సంపాదించుకున్న నటుడు రవితేజ వరుస సినిమాలతో ఎంతో బిజీగా ఉన్నారు. తాజాగా ఈయన నటించిన రావణాసుర సినిమా కూడా ప్రేక్షకుల ముందుకు రావడానికి సిద్ధమవుతుంది. ఈ సినిమా ఈనెల ఏడవ తేదీ ప్రేక్షకుల ముందుకు రానున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ ప్రమోషన్ కార్యక్రమాలలో భాగంగా ఎంతో ఘనంగా ప్రీ రిలీజ్ వేడుకను నిర్వహించారు.

ఇక ఈ వేడుకను హైదరాబాదులోని శిల్పకళ వేదికలో ఎంతో ఘనంగా నిర్వహించారు. ఇక ఈ కార్యక్రమంలో భాగంగా డైరెక్టర్ గోపీచంద్ మలినేని ముఖ్య అతిథిగా పాల్గొన్నారు. ఇక డైరెక్టర్ గోపిచంద్ రవితేజ మధ్య ఎలాంటి బాండింగ్ ఉందో మనకు తెలిసిందే. ఆయనను డైరెక్టర్ గా రవితేజ ఇండస్ట్రీకి పరిచయం చేయడమే కాకుండా తనతో మూడు సినిమాలు చేసి అద్భుతమైన హిట్ అందుకున్నారు. ఈ క్రమంలోనే గోపీచంద్ ఈ కార్యక్రమంలో రవితేజ గురించి మాట్లాడుతూ పలు విషయాలను తెలియజేశారు.

రవితేజ (Ravi Teja) కారణంగానే తాను ఇండస్ట్రీలో ఈ స్థాయిలో ఉన్నానని ఆయన అవకాశం ఇవ్వడం వల్లే తన టాలెంట్ నిరూపించుకున్నానని తెలిపారు.ఇక తాను కూడా అచ్చం రవితేజ పోలికలతో ఉండడంతో చాలామంది రవితేజ గారి తమ్ముడా అని నన్ను అడుగుతూ ఉంటారు. ఇలా ఆయన పోలికలతో ఉండటం నిజంగా నా అదృష్టం ఇక ఆయనకు నేను నిజంగానే తమ్ముడి లాంటి వాడినేనని తెలిపారు. రవితేజ గోపీచంద్ దర్శకత్వంలో నటించిన మొదటి చిత్రం డాన్ శీను ఈ సినిమా షూటింగ్ సమయంలో రవితేజ గురించి రాజమౌళి గారు చేసినటువంటి కామెంట్లను ఈ సందర్భంగా గోపిచంద్ బయట పెట్టారు.

ఈ సినిమా షూటింగ్ సమయంలో రాజమౌళి గారిని గెస్ట్ గా ఆహ్వానించడానికి వెళ్లాను అక్కడికి వెళ్లిన తర్వాత రవితేజతో ఇలా సినిమా చేస్తున్నాను అని చెప్పగానే రాజమౌళి గారు తనకు ఒక మాట చెప్పారు.రవితేజతో సినిమా చేస్తున్నావ్ జాగ్రత్తగా ఉండు మనం ఒక వేరియేషన్ ఇవ్వమంటే తను నాలుగు వేరియేషన్లు ఇస్తారు. ఆయన ఎనర్జీని అందుకోవడం చాలా కష్టం ఇక రవితేజతో ఎలాంటి ఇబ్బందులు ఉండవు దూసుకెళ్లిపోవడమే అంటూ రాజమౌళి గారు రవితేజ గురించి చెప్పినట్లు ఈ సందర్భంగా గోపీచంద్ వెల్లడించారు. ప్రస్తుతం ఈయన చేసినటువంటి కామెంట్స్ వైరల్ అవుతున్నాయి.