తరుణ్‌ భాస్కర్‌ చాలామందికి దర్శకుడిగానే తెలుసు. ఆ తర్వాత ఓ సినిమాతో యాక్టర్‌ అయ్యారు. కానీ తరుణ్‌భాస్కర్‌ ఆల్ రౌండర్‌. అంటే సినిమాల్లోకి వచ్చాక అన్నీ చేశారు అని కాదు. సినిమాల్లోకి వచ్చే ముందు చాలా చేశారు అని. ఈ క్రమంలో ఆయన కెమెరా అసిస్టెంట్‌గా కూడా పని చేశారట. అంటే అది సినిమాలకు కాదు, పెళ్లిళ్లకు. ఈ విషయాన్ని ఆయనే చెప్పారు. ఓ టీవీ షోలో భాగంగా ఈ వివరాలు వెల్లడించారు తరుణ్‌ భాస్కర్‌.
‘పెళ్లి చూపులు’ సినిమాతో టాలీవుడ్‌లోకి దర్శకుడిగా పరిచయమ్యారు తరుణ్‌ భాస్కర్‌. అప్పటికే చాలా షార్ట్‌ ఫిల్మ్స్ చేశారాయన. ఆ రోజుల్లోనో, ఆ ముందు రోజుల్లోనే ఆయన తెలిసివాళ్ల దగ్గర కెమెరా అసిస్టెంట్‌గా కూడా చేసేవారట. అంటే పెళ్లిళ్లలో వీడియో షూట్‌ చేయడానికి వెళ్లేవారట. అయితే అవి చిన్న చిన్న పెళ్ళిళ్లు కావు. విజయ్‌ మాల్యా లాంటి సెలబ్రిటీ (ఒకప్పుడు) ఇళ్లలో పెళ్లి. విజయ్‌ మాల్యా కూతురి పెళ్లి కోసం తరుణ్‌ భాస్కర్‌ కెమెరా పని చేశారు.
పెళ్లికి వెళ్లగానే బాలీవుడ్ టాప్‌ నాయిక దీపిక పడుకొణె వచ్చారట. ఇక కెమెరాతో ఆమెనే ఫాలో అవ్వమని చెప్పారట అక్కడ టీమ్‌. దీంతో ఆమె పెళ్లిలో ఉన్నంతసేపు ఆమెనే ఫాలో అవుతూ ఉన్నానని చెప్పారు తరుణ్‌ భాస్కర్‌. దీంతోపాటు ‘పెళ్లి చూపులు’ సినిమా షూటింగ్ టైమ్ ట్రక్ బ్రేక్ ఫెయిల్ అయిన విషయం గురించి కూడా చెప్పారు తరుణ్‌ భాస్కర్‌. షూటింగ్ నుండి వెళ్తుండగా ట్రక్ బ్రేక్‌లు ఫెయిల్ అయ్యాయని, హ్యాండ్‌ బ్రేక్ కూడా చేతిలోకి ఊడి వచ్చిందని ఆ రోజు విషయం చెప్పారు తరుణ్‌.
ట్రక్‌లో తనతోపాటే ఉన్న విజయ్‌ తొలుత కంగారు పడినా.. ఆ తర్వాత చాలా కూల్‌గా కనిపించాడని చెప్పాడు. అలా ఎందుకు ఉన్నావు అని విజయ్‌ అని అడిగితే… ఏముంది అందరూ కలిసే చనిపోతాం కదా అని చెప్పాడట విజయ్‌. అంటే లైఫ్‌ని ఎలా ఎంజాయ్‌ చేస్తూ లీడ్‌ చేయాలో విజయ్‌కి బాగా తెలుసున్నమాట.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
Home