మహేష్ నెక్స్ట్ కు ఆ డైరెక్టర్ ఫిక్స్?

మహేష్ ప్రస్తుతం తన 26 వ సినిమా అయిన ‘సరిలేరు నీకెవ్వరు’ షూటింగ్ లో బిజీగా గడుపుతున్నాడు. అనిల్ రావిపూడి డైరెక్షన్లో తెరకెక్కుతున్న ఈ చిత్రాన్ని దిల్ రాజు, అనిల్ సుంకర కలిసి నిర్మిస్తున్నారు. ఈ చిత్రం 2020 సంక్రాంతి కానుకగా విడుదల కాబోతుంది. ఇక ఈ చిత్రం పూర్తయ్యాక మహేష్ ఎవరి డైరెక్షన్లో సినిమా చేస్తాడు అనే ఆసక్తి అందరిలోనూ ఉంది. ఇప్పటికే ‘గీత గోవిందం’ ఫేమ్ పరశురామ్ అలాగే వంశీ పైడిపల్లి లైన్లో ఉన్నారు. అయితే ఆ ఛాన్స్ పరశురామ్ కి దక్కిందని తాజా సమాచారం.

గత కొంత కాలం నుండీ మహేష్ తో సినిమా ఓకే చేయించుకోవడానికి తెగ తిరుగుతున్నాడు. చివరికి ఇప్పుడు ఓకే అయ్యిందని తెలుస్తుంది. ఈ ప్రాజెక్ట్ కి కొరటాల శివ కూడా సహ నిర్మాతగా వ్యవహరించనున్నాడని సమాచారం. ‘మైత్రీ మూవీ మేకర్స్’ సంస్థతో కలిసి కొరటాల శివ ఈ చిత్రాన్ని నిర్మించబోతున్నాడట. కొరటాల శివతో మహేష్ కు మంచి అనుబంధంతో ఉన్న సంగతి తెలిసిందే. అందుకే మహేష్ ఈ ప్రాజెక్ట్ ను కొరటాలకు అప్పగించనున్నాడని తెలుస్తుంది. ఇక దర్శకుడు పరశురామ్… కూడా ఫైనల్ వెర్షన్ పై వర్కౌట్ చేస్తున్నాడట. ఈ ప్రాజెక్ట్ ను మొదట ‘గీతా ఆర్ట్స్’ బ్యానర్ పై ఉంటుందని టాక్ వచ్చింది. కానీ ‘మైత్రి మూవీ మేకర్స్’ వారితో మహేష్ కు ఓ సినిమా కమిట్మెంట్ ఉండడంతో ఇప్పుడు ఈ ప్రాజెక్ట్ ను వారు నిర్మించబోతున్నారు. జనవరి మూడో వారంలో షూటింగ్ మొదలుపెట్టి… ఆగస్టు 7, 2020న రిలీజ్ చేసేలా పక్కా ప్లాన్ తో రెడీ అవ్వబోతున్నారని సమాచారం. అంటే సంవత్సరం తిరగకుండానే మహేష్ నుండీ రెండు సినిమాలు వస్తున్నాయన్న మాట.