మహేష్.. SSMB28 స్టార్ట్ చేసే ముందు ఆఖరి ట్రిప్ ఇదే!

November 25, 2024 / 11:40 AM ISTByFilmy Focus

Join Us

సూపర్ స్టార్ మహేష్ బాబు ఫ్యామిలీ వెకేషన్లు ఎప్పుడూ హాట్ టాపిక్ అవుతూనే ఉంటాయి. ప్రతి ఏడాదీ ఘట్టమనేని ఫ్యామిలీ ఐదారు సార్లు విదేశీ ట్రిప్స్ ప్లాన్ చేస్తుంది. కొత్త సినిమా స్టార్ట్ చేయడానికి ముందు, పూర్తయ్యాక, లేదా పిల్లల స్కూల్ సెలవుల్లో అయినా వెకేషన్లకు వెళ్ళడం వారికి అలవాటు. కానీ ఈసారి పరిస్థితి చాలా వేరుగా ఉంటుంది. మహేష్ కెరీర్‌లోనే బిగ్గెస్ట్ ప్రాజెక్ట్ SSMB29 కోసం రాజమౌళి పర్యవేక్షణలో షూటింగ్ మొదలవ్వబోతోంది.

SSMB28

జనవరి నుంచి వర్క్ స్టార్ట్ అయ్యే ఛాన్స్ ఉంది. ఇక మహేష్ ప్రాజెక్టు పూర్తి సమయం కూడా రాజమౌళి ఆధీనంలో ఉండాల్సి ఉంటుంది. రాజమౌళి స్పీడ్, పర్ఫెక్షన్ తెలుసుకున్న అభిమానులు మహేష్ ఈ సినిమాపై పూర్తిగా కట్టుబడి ఉంటారని అనుకుంటున్నారు. కాబట్టి, డిసెంబరులో మిగిలిన సమయాన్ని మహేష్ ఫ్యామిలీతో గడపాలని నిర్ణయించుకున్నారట. దుబాయ్‌లో న్యూ ఇయర్ వేడుకలు చేయడం వారికి ఓ సంప్రదాయం. ఈసారి కూడా అదే ప్లాన్ కొనసాగిస్తున్నట్లు సమాచారం.

మరిన్ని సినిమా వార్తలు.

మహేష్, నమ్రత స్నేహితులతో కలిసి భారీ పార్టీలో పాల్గొనబోతున్నారని, అక్క డి వేడుకలు ముగిసిన తర్వాత కూడా ఇంకొన్ని రోజులు ట్రిప్ ప్లాన్ చేసినట్లు తెలుస్తోంది. అయితే ఈసారి ఎక్కువగా విహారయాత్రలు ఉండే అవకాశం తక్కువ. నేరుగా ఇండియా తిరిగివచ్చి SSMB29 కోసం మానసికంగా సిద్ధమవుతారని నమ్ముతున్నారు. కుటుంబంతో గడిపే ఈ చివరి సెలవుల తర్వాత, మహేష్ పూర్తిగా సినిమాపై ఫోకస్ చేస్తారు.

రాజమౌళి సినిమాల గురించి తెలిసిందే. షూటింగ్ ప్రారంభం కాగానే బ్రేక్‌లు తక్కువ. సెట్స్ వద్దే ఎక్కువ సమయం గడపాల్సి ఉంటుంది. మహేష్ కూడా ఈ కఠినమైన షెడ్యూల్‌కు సిద్ధమవుతున్నట్లు కనిపిస్తోంది. ఇక నమ్రత, సితార, గౌతమ్ మాత్రమే మధ్య మధ్యలో వెకేషన్లకు వెళ్ళే అవకాశం ఉందని టాక్. ఇక 2026 వరకు మహేష్ బిజీ షెడ్యూల్‌తో ఖాళీ సమయం ఉండదని తెలుస్తోంది.