Nani: ఎవరూ కాళ్లు పట్టి లాగకుండా చూసుకోండి: నాని వ్యాఖ్యలు వైరల్‌!

April 6, 2023 / 07:34 PM ISTByFilmy Focus

Join Us

Nani: ఎవరూ కాళ్లు పట్టి లాగకుండా చూసుకోండి: నాని వ్యాఖ్యలు వైరల్‌!

గురువును చూసి నేర్చుకోవాలి అంటారు.. ఇచ్చిన మాటను నిలబెట్టుకోవాలని అంటారు. చేసిన ప్రతిజ్ఞతను సాధించి తీరాలి అంటారు. తండ్రి కష్టాన్ని మరపించే విజయం సాధించాలి అంటారు. ఇలాంటి అన్నింటిని ఒకే సినిమాతో చేసి చూపించారు శ్రీకాంత్‌ ఓదెల. ‘దసరా’ సినిమాతో ఇటీవల నానిని బాక్సాఫీసు ముందుకు తీసుకొచ్చి మంచి విజయం అందుకున్నారాయన. ఆ సినిమా విజయోత్సవం ఇటీవల కరీంనగర్‌లో జరిగింది. ఈ సందర్భంగా శ్రీకాంత్‌ ఓదెల గురించి నాని చెప్పిన కొన్ని మాటలు వైరల్‌ అవుతున్నాయి.

అలాగే ఆయన చేసిన కొన్ని వ్యాఖ్యలు కూడా చర్చకు దారి తీశాయి. నటుడిగా ఈ ప్రయాణంలో నా మనసుకు తోచించి చేశాను, చేస్తున్నాను, చేస్తుంటాను కూడా. అయితే ఇది సరికాదు అంటూ నిరుత్సాహ పరిచినవాళ్లు చాలా మంది ఉన్నారు. కానీ నా నమ్మకమే బలంగా ఆ పని చేయడానికి సిద్ధమవుతుంటాను. అలా నేను కష్టపడిన ప్రతిసారీ ప్రేక్షకులు సహకారం అందించారు. దాంతో నా నమ్మకానికి మరింత బలం పెరిగింది అని నాని తన సక్సెస్‌ సీక్రెట్‌ చెప్పాడు.

కరీంనగర్‌లో ఏదో ఒక ఫంక్షన్‌ చేయాలి అని శ్రీకాంత్‌ ఓదెల చెప్పేవాడు. నాని (Nani) లాంటి నటుడికి రూ. వంద కోట్ల పోస్టర్‌ చూడాలని ఉందని శ్రీకాంత్‌ ఓ సందర్భంలో చెప్పారట. ఆ పోస్టర్‌ కరీంనగర్‌లో జరిగిన ఈ వేదికపై పడటం బాగా గుర్తుండిపోతుంది. నాలాగే అందరికీ కలలు ఉంటాయి. వాటిని నెరవేర్చుకునే క్రమంలో ఎవరూ మన కాళ్లు పట్టి లాగకుండా చూసుకోండి. ఇదివరకు పది మందిలో ఎనిమిది మంది ప్రోత్సహించేవాళ్లు, ఇద్దరు నిరుత్సాహపరిచేవాళ్లు.

కానీ ఇప్పుడు ప్రోత్సహించేవాళ్లు ఇద్దరే అయిపోయారు అని వాఖ్యానించాడు నాని. కొత్త సినిమా విడుదలవుతోంది అంటే.. బాగా ఆడాలనుకునేవాళ్లు చాలా తక్కువగా ఉంటారు. మనం మన కష్టంతో వాళ్లందరూ తప్పు అని నిరూపించాలి. ఇప్పుడు ‘దసరా’ సినిమాతో మేం అదే పని చేశాం. ఈ విజయం అందరిదీ అంటూ నాని అన్నాడు. అయితే ఎదిగేవాళ్లను లాగడం అనే మాట ఎవరిని చూసి నాని అన్నాడు అనేది తెలియాల్సి ఉంది. మరో ఇంటర్వ్యూ ఇస్తే దీనిపై ఏమన్నా క్లారిటీ ఇస్తాడేమో నాని.