వరుసగా విజయాలను సొంతం చేసుకుంటున్న అనిల్ రావిపూడి ప్రస్తుతం ఎఫ్3 సినిమా పనులతో బిజీగా ఉన్నారు. త్వరలో ఎఫ్3 మూవీ షూటింగ్ పూర్తి కానుండగా బాలయ్య అనిల్ రావిపూడి కాంబినేషన్ లో ఒక సినిమా తెరకెక్కనుంది. ఈ సినిమాతో పాటు అనిల్ రావిపూడి డైరెక్షన్ లో రామ్ హీరోగా ఒక సినిమా తెరకెక్కనున్నట్టు తెలుస్తోంది. అధికారిక ప్రకటన రాకపోయినా ఈ కాంబినేషన్ లో సినిమా ఫిక్స్ అయినట్టు సమాచారం. ఈ సినిమాలో రామ్ కోస్తా కుర్రాడిగా కనిపించనున్నారని తెలుస్తోంది.
ఇస్మార్ట్ శంకర్, రెడ్ సినిమాలతో విజయాలు అందుకున్న రామ్ తర్వాత సినిమాల విషయంలో ఎన్నో జాగ్రత్తలు తీసుకుంటున్నారు. అనిల్ రావిపూడి ఈ సినిమా కథలో తన మార్కు వినోదం ఉండేలా జాగ్రత్తలు తీసుకుంటున్నారని తెలుస్తోంది. రామ్ హీరోగా తెరకెక్కిన పలు సినిమాలకు అనిల్ రావిపూడి రచయితగా పని చేశారు. అయితే ఈ సినిమా సెట్స్ పైకి ఎప్పుడు వెళుతుందో తెలియాల్సి ఉంది. ప్రస్తుతం తెరకెక్కుతున్న లింగుస్వామి సినిమాలో రామ్ రాయలసీమ కుర్రాడిగా కనిపించనున్నారు.
ఈ సినిమాలో రామ్ కు జోడీగా కృతిశెట్టి నటిస్తుండగా 50కోట్ల రూపాయల భారీ బడ్జెట్ తో ఈ సినిమా తెరకెక్కుతోందని తెలుస్తోంది. అనిల్ రావిపూడి హీరో పాత్రను ఎంటర్టైనింగ్ గా రాసుకున్నారని వస్తున్న వార్తల విషయంలో రామ్ ఫ్యాన్స్ సంతోషిస్తున్నారు. అనిల్ రావిపూడి సినిమాసినిమాకు గ్యాప్ రాకూడదనే ఉద్దేశంతో స్టార్ హీరోల కోసం వేచి చూడకుండా సీనియర్ హీరోలు, మిడిల్ రేంజ్ హీరోల సినిమాలకు కూడా దర్శకత్వం వహిస్తున్నారు.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
