వరుసగా భారీ చిత్రాల భారీ విజయాలతో మాంచి ఊపు మీదుంది బాలీవుడ్. గతేడాది దేశవ్యాప్తంగా లెక్కలు చూస్తే వందల కోట్ల వసూళ్ల సినిమాల జాబితాలో బాలీవుడ్ సినిమాలే ఎక్కువ ఉండటం గమనార్హం. ఇక ఈ ఏడాదిని కూడా అలానే కొనసాగిద్దాం అని బాలీవుడ్ అనుకుంటోంది. ఈ క్రమంలో తొలి సినిమాగా ‘ఫైటర్‌’ సినిమా సిద్ధం చేశారు. అయితే ఈ సినిమా విషయంలో చిన్నపాటి ఇబ్బందులు వచ్చాయి. తాజాగా ఈ సినిమాను కొన్ని దేశాల్లో రిలీజ్‌ చేయడం లేదని సమాచారం.
బాలీవుడ్ స్టార్‌ హీరో (Hrithik Roshan) హృతిక్ రోషన్ – స్టార్‌ హీరోయిన్‌ దీపికా పడుకోన్ ప్రధాన పాత్రల్లో దర్శకుడు సిద్ధార్థ్ ఆనంద్ రూపొందించిన చిత్రం ‘ఫైటర్‌’. దేశభక్తి అనే అంశంతో భారీ యాక్షన్ థ్రిల్లర్‌గా రూపొందిన ఈ సినిమాను జనవరి 25న విడుదల చేయాల్సి ఉంది. గతంలో హృతిక్ – సిద్ధార్థ్ కాంబినేషన్ లో వచ్చిన ‘బ్యాంగ్ బ్యాంగ్’, ‘వార్’ సినిమాలు భారీ విజయం అందుకోవడంతో ఈ సినిమా మీద కూడా అంచనాలు భారీగానే ఉన్నాయి. ఈ సినిమాతో హిట్‌ కొట్టి ‘వార్ 2’ను హ్యాట్రిక్‌ సినిమా చేయాలనేది అభిమానుల కోరిక.
అయితే లేటెస్ట్ టాక్ ప్రకారం ఈ సినిమాను ఇరాన్, సిరియా, సౌదీ అరేబియా తదితర మిడిల్ ఈస్ట్ దేశాల్లో బ్యాన్‌ చేస్తున్నారట. అంటే అక్కడ సినిమా రిలీజ్‌ ఉండదు అని అంటున్నారు. అయితే ఒక్క యూఏఈలో మాత్రమే మాత్రమే సినిమా విడుదల చేస్తున్నారని టాక్. సినిమాలోని కొన్ని సన్నివేశాలు ఓ వర్గానికి చెందిన వారి మనోభావాలు దెబ్బతీసేలా ఉన్నాయని, అందుకే ఆయా దేశాలు సినిమాపై నిషేధం విధించాయని అంటున్నారు.
అయితే ఈ విషయంలో చిత్రబృందం నుండి ఎలాంటి ప్రకటన రాలేదు. ఇక ఈ సినిమాను హాలీవుడ్‌ మూవీ స్థాయిలో తెరకెక్కించారు అని టీమ్‌ ఇప్పటికే అంటోంది. ఇప్పటివరకు వచ్చిన ప్రమోషనల్‌ కంటెంట్‌ చూస్తుంటే అలానే అనిపిస్తోంది. అన్నట్లు ఈ సినిమాను మన దేశంలో కేవలం హిందీలో మాత్రమే రిలీజ్‌ చేస్తున్నారు. ఇతర ప్రాంతీయ భాషల్లో సినిమా అందుబాటులో ఉండదు.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
Home
