సినిమా ఇండస్ట్రీలో ఒక హీరో మెచ్చిన కథలో మరో హీరో నటించడం కొన్ని సందర్భాల్లో జరుగుతోంది. చిరంజీవి కెరీర్ లో భారీ బడ్జెట్ తో తెరకెక్కి ఆశించిన స్థాయిలో విజయాన్ని అందుకోని సినిమాలలో వేట సినిమా కూడా ఒకటి. అయితే ఈ సినిమాలో నటించాలని బాలయ్య భావించారని సమాచారం. ద కౌంట్‌ ఆఫ్‌ మాంటి క్రిస్టో అనే పేరుతో ఫ్రెంచ్ లో అలెగ్జాండర్‌ డ్యూమాస్‌ ఒక నవలను రాశారు. ఈ నవల ఆధారంగా ఇంగ్లీష్ లో, ఫ్రెంచ్ లో పలు సినిమాలు తెరకెక్కాయి.
1950 సంవత్సరం సమయంలో ఈ నవలను తెలుగులోకి అనువదించగా యాక్షన్ సన్నివేశాలతో పాటు ఆసక్తికర మలుపులు ఈ సినిమా కథలో ఉన్నాయి. కథ ప్రకారం ఏ పాపం తెలియని వ్యక్తిపై కొంతమంది కుట్ర చేసి నేరం మోపి జైలుకు పంపించగా ఆ వ్యక్తి జైలు నుంచి బయటకు వచ్చిన తర్వాత తనకు అన్యాయం చేసిన వాళ్లను టార్చర్ చేసి చంపుతాడు. బాలకృష్ణకు ఈ కథ గురించి తెలిసి ఇతర భాషల్లో తెరకెక్కిన సినిమాలను చూశారు.
ఈ సినిమాలో బాలయ్య నటించాలని భావించినా వేర్వేరు కారణాల వల్ల ఆయన చేయలేకపోయారు. ఆ తర్వాత సంయుక్తా మూవీస్ అధినేత తిరుపతి రెడ్డి చిరంజీవి, కోదండరామిరెడ్డికి కథ చెప్పి వేట సినిమాను మొదలుపెట్టారు. అప్పట్లోనే దాదాపుగా కోటి రూపాయల ఖర్చుతో ఈ సినిమా తెరకెక్కగా బాక్సాఫీస్ వద్ద ఆశించిన స్థాయిలో ఫలితం దక్కలేదు. ఈ సినిమాలో చిరంజీవి కొత్త గెటప్స్ లో కనిపించారు.
ఈ సినిమా కొరకు మెగాస్టార్ చిరంజీవి 60 రోజుల పాటు పని చేశారు. చిరంజీవికి జోడీగా జయప్రద నటించగా ఆమె ఈ సినిమా కొరకు 38 రోజులు పని చేయడం గమనార్హం. ఆశించిన స్థాయిలో విజయం సాధించకపోయినా చిరంజీవి అభిమానులకు ఈ సినిమా ఎంతగానో నచ్చింది. చిరంజీవి ప్రస్తుతం భోళా శంకర్, వాల్తేరు వీరయ్య సినిమాలతో బిజీగా ఉన్నారు. ఈ సినిమాలతో చిరంజీవి ఎలాంటి ఫలితాలను అందుకుంటారో చూడాలి.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
