2024 కొత్త సంవత్సరం కానుకగా దేవర సినిమా నుంచి గ్లింప్స్ రిలీజ్ డేట్ తో ఉన్న పోస్టర్ విడుదల కాగా ఈ పోస్టర్ ప్రేక్షకులను ఎంతగానో ఆకట్టుకుంది. అయితే దేవర పోస్టర్లకు , వాల్తేరు వీరయ్య పోస్టర్లకు కొన్ని పోలికలు ఉన్నాయని కామెంట్లు వినిపిస్తున్నాయి. ఈ మధ్య కాలంలో సముద్రం బ్యాక్ డ్రాప్ లో తెరకెక్కే సినిమాల సంఖ్య పెరుగుతుండగా ఈ బ్యాక్ డ్రాప్ సినిమాలను చూడటానికి ప్రేక్షకులు ఇష్టపడుతున్నారు.
దేవర షూటింగ్ సముద్రతీర ప్రాంతాలలోనే జరిగిందనే సంగతి తెలిసిందే. నాగచైతన్య నటిస్తున్న తండేల్ సినిమా కూడా సముద్రతీరం బ్యాక్ డ్రాప్ లో తెరకెక్కుతోంది. అయితే సముద్ర తీరం బ్యాక్ డ్రాప్ ఈ ఇద్దరు హీరోలు కోరుకున్న సక్సెస్ ను అందిస్తుందో లేదో చూడాల్సి ఉంది. దేవర సినిమా ఈ ఏడాది ఏప్రిల్ నెల 5వ తేదీన రిలీజ్ కానుండగా తండేల్ సినిమా రిలీజ్ డేట్ గురించి క్లారిటీ రావాల్సి ఉంది.
ఈ సినిమాల విజువల్ ఎఫెక్ట్స్ కోసం కూడా ఒకింత భారీ స్థాయిలోనే ఖర్చు చేస్తున్నారని సమాచారం అందుతోంది. దేవర, తండేల్ బాక్సాఫీస్ వద్ద బ్లాక్ బస్టర్ హిట్లుగా నిలిస్తే ఈ బ్యాక్ డ్రాప్ లో తెరకెక్కే సినిమాల సంఖ్య మరింత పెరిగే అవకాశాలు అయితే ఉంటాయి. ఎన్టీఆర్, నాగచైతన్య (Naga Chaitanya) చిరంజీవిని ఫాలో అవుతున్నారని మరి కొందరు కామెంట్లు చేస్తుండగా ఆ కామెంట్స్ హాట్ టాపిక్ అవుతున్నాయి.
దేవర, తండేల్ ఈ ఏడాది థియేటర్లలో విడుదలయ్యే అవకాశం అయితే ఉంది. ఈ సినిమాలు కలెక్షన్ల విషయంలో కూడా రికార్డులు క్రియేట్ చేసే సినిమాలు అవుతాయని అభిప్రాయాలు వ్యక్తమవుతున్నాయి. దేవర ప్రమోషన్స్ ను తారక్ భారీ రేంజ్ లో ప్లాన్ చేశారని తెలుస్తోంది. మార్చి నెల మొదటి వారం నుంచి ఈ సినిమా ప్రమోషన్స్ తో తారక్ బిజీ కానున్నారని ఇండస్ట్రీ వర్గాల్లో వినిపిస్తోంది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
