Jr NTR, Gopichand: గోపిచంద్ తో మాస్ డైరెక్టర్ ప్లాన్!

కోలీవుడ్ లో దర్శకుడు హరికి మంచి గుర్తింపు ఉంది. ఆయన తీసిన మాస్ సినిమాలు ఆడియన్స్ కి ఓ రేంజ్ లో కనెక్ట్ అవుతాయి. ముఖ్యంగా ‘సింగం’ సినిమాలు ఆయన క్రేజ్ ని పెంచేశాయి. చాలా కాలంగా ఈ దర్శకుడు తెలుగులో స్ట్రెయిట్ సినిమా చేయాలనుకుంటున్నారు. ఎన్టీఆర్ లాంటి స్టార్ హీరోతో సినిమా చేయాలనేది అతడి ప్లాన్. దానికి తగ్గట్లుగా ఆయనకు కథ కూడా చెప్పారు. ఎన్టీఆర్ కి కూడా కథ నచ్చింది.

కానీ ప్రస్తుతం ఎన్టీఆర్ చాలా బిజీ. ముందుగా కొరటాల శివతో సినిమా పూర్తి చేయాలి. ఆ తరువాత ప్రశాంత్ నీల్ లైన్ లో ఉన్నారు. అలానే బుచ్చిబాబు సానాకి కూడా కమిట్మెంట్ ఇచ్చినట్లు సమాచారం. ఇవన్నీ పూర్తయితే తప్ప మరో సినిమా చేయలేరు ఎన్టీఆర్. ఎలా చూసుకున్నా ఎన్టీఆర్ ఫ్రీ అవ్వడానికి మరో మూడేళ్లు పడుతుంది. ఇదే విషయాన్ని దర్శకుడు హరికి కూడా చెప్పినట్లు తెలుస్తోంది. దీంతో ఆయన మరో హీరోతో ప్రొసీడ్ అవ్వాలనుకుంటున్నారు.

ఈ క్రమంలో గోపీచంద్ ను సంప్రదించినట్లు తెలుస్తోంది. ఆయనకు కథ నచ్చడంతో ఈ కాంబినేషన్ ఫైనల్ అయినట్లు తెలుస్తోంది. గోపీచంద్ కి మాస్ ఇమేజ్ ఉంది. హరి రాసుకున్న కథ గోపీచంద్ కి సూట్ అవుతుందట. త్వరలోనే ఈ సినిమాకి సంబంధించిన అధికార ప్రకటన రానుంది. ఇదిలా ఉండగా.. రీసెంట్ గా ‘పక్కా కమర్షియల్’ సినిమాతో ప్రేక్షకుల ముందుకొచ్చారు గోపీచంద్.

ఈ సినిమాకి ఏమంత గొప్ప టాక్ రాలేదు. ఏవరేజ్ సినిమాగా నిలిచింది. గోపీచంద్ ఎన్నో ఆశలు పెట్టుకున్న ఈ సినిమా ప్రేక్షకులను మెప్పించలేకపోయింది. ఇప్పుడు ఆయన శ్రీవాస్ దర్శకత్వంలో ఓ సినిమా చేస్తున్నారు. ఇప్పుడు హరి సినిమా కూడా లైన్ లోకి వచ్చింది.

విరాటపర్వం సినిమా రివ్యూ & రేటింగ్!

Most Recommended Video

‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!

Share.