టాలీవుడ్ యంగ్ హీరో విశ్వక్ సేన్ తనకంటూ మంచి గుర్తింపు తెచ్చుకున్నారు. ఆయన సినిమాలకు మంచి మార్కెట్ ఉంది. తన కెరీర్ లో హిట్స్ ఉన్నప్పటికీ.. సరైన బ్రేక్ ఇచ్చే సినిమా అయితే పడలేదు. అలాంటి సినిమా కోసం ఎదురుచూస్తున్నారు ఈ హీరో. ఎన్నో ఆశలు పెట్టుకొని నటించిన ‘పాగల్’ సినిమా పెద్దగా ఆడలేదు. ఇటీవల వచ్చిన ‘అశోకవనంలో అర్జునకల్యాణం’ సినిమా బాగానే ఆడిన.. ఆశించిన రేంజ్ కి అయితే వెళ్లలేకపోయింది.
ప్రస్తుతం ఈ హీరో ‘ధమ్కీ’ అనే సినిమాలో నటిస్తున్నారు. దీనికి దర్శకుడిగా కూడా వ్యవహరించనున్నారు. ఈ సంగతి పక్కన పెడితే రీసెంట్ గా విశ్వక్ సేన్.. యాక్షన్ కింగ్ అర్జున్ దర్శకత్వంలో ఓ సినిమా చేయడానికి ఒప్పుకున్నారు. చాలా గ్యాప్ తరువాత అర్జున్ డైరెక్ట్ చేస్తోన్న ఈ సినిమాలో ఆయన కూతురు ఐశ్వర్య హీరోయిన్ గా నటిస్తోంది. ఈ సినిమా కోసం ఫేమ్ ఉన్న టెక్నీషియన్స్ ను రంగంలోకి దింపుతున్నారు.
మాటకు రచయిత సాయిమాధవ్ బుర్రా ఈ సినిమాకి పని చేయనున్నారు. ఈయన రెమ్యునరేషన్ కోటికి పైగా ఉంటుందని తెలుస్తోంది. టాలీవుడ్ లో ఉన్న పేరున్న రచయితల్లో సాయిమాధవ్ బుర్రా ముందువరసలో ఉంటారు. అలాంటి రైటర్ ని విశ్వక్ సేన్ కోసం తీసుకొచ్చారు. అలానే ‘కేజీఎఫ్’ సినిమాకి తన బ్యాక్ గ్రౌండ్ స్కోర్ తో ప్రాణం పోసిన రవి బస్రూర్ ఈ సినిమాకి సంగీత దర్శకుడిగా పని చేయనున్నారు.
ఈయన కూడా రెమ్యునరేషన్ విషయంలో పీక్స్ డిమాండ్ లో ఉన్నారు. అసలు ప్రొడక్షన్ కి వెళ్లకుండానే ఈ రేంజ్ లో ఖర్చు కనిపిస్తుందంటే.. విశ్వక్ సేన్ కోసం అర్జున్ చాలా పెద్ద స్కెచ్చే వేశారనిపిస్తోంది. దర్శకుడిగా సాదాసీదా సినిమాలు చేస్తూ.. ఈ మధ్యకాలంలో నటనకే పరిమితమైన అర్జున్ ఈసారి డైరెక్టర్ గా తన కమ్ బ్యాక్ ని చాలా పవర్ ఫుల్ గా ప్లాన్ చేస్తున్నారని తెలుస్తోంది.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home
