యంగ్ టైగర్ ఎన్టీఆర్ (Jr NTR) .. ఫ్యాన్స్ కి ఇచ్చే ఇంపార్టెన్స్ ఎలాంటిది అనేది అందరికీ తెలిసిందే. వాళ్ళు కష్టాల్లో ఉన్నప్పుడు పలుమార్లు తన వంతు సాయం చేశాడు ఎన్టీఆర్. అలాగే ‘మేక్ ఏ విష్’ లో భాగంగా ఎన్టీఆర్ ని కలవాలని గతంలో ఓ పాప కోరగా.. హాస్పిటల్ కి వెళ్లి ఆ పాపని కలిశాడు. ఆమె తల్లిదండ్రులకు ధైర్యం చెప్పాడు. అలాగే రెండేళ్ల క్రితం ఓ అభిమాని యాక్సిడెంట్ కి గురైతే.. ప్రత్యేకంగా వీడియో కాల్ చేసి అతనికి ధైర్యం చెప్పాడు.
అయినప్పటికీ ఆ అభిమాని కోలుకోలేదు. అప్పుడు తన వంతు ఆర్థిక సాయం చేశాడు. ఎన్టీఆర్ కి ఉన్న మాస్ ఇమేజ్.. అసాధారణమైనది అని అందరికీ తెలుసు. ఇదిలా ఉండగా.. తాజాగా ఎన్టీఆర్ ను కలవడానికి ముగ్గురు అభిమానులు కుప్పం నుండి పాదయాత్ర చేసుకుంటూ రావడం ఇప్పుడు హాట్ టాపిక్ అయ్యింది.ఎన్టీఆర్ వాళ్ళని కలిసి వీడియో ఒకటి బయటకు వచ్చింది.
ఈ వీడియోను గమనిస్తే.. ఆ ముగ్గురు అభిమానులని ‘రండి రండి’ అంటూ ఎన్టీఆర్ వెల్కమ్ చేశాడు. ‘ఎక్కడి నుండి.. కుప్పం నుండి నడుచుకుంటూ వచ్చారా? ఎందుకమ్మా..! అంటూ అడిగాడు ఎన్టీఆర్. తర్వాత వారి పేర్లు అడిగాడు. ముగ్గురు అభిమానుల్లో ఒకరి పేరు హరికృష్ణ కావడంతో ఎన్టీఆర్.. మురిసిపోయాడు. ఆ తర్వాత వారిని దగ్గరకు తీసుకుని ఫోటోలు దిగాడు.
అలాగే ఆ అభిమానులు ఎన్టీఆర్ తన తాత నందమూరి తారక రామారావుతో కలిసున్న ఒక ఫోటోని ఎన్టీఆర్ కి గిఫ్ట్ గా ఇచ్చారు. ఆ తర్వాత ఎన్టీఆర్.. ఆ ముగ్గురి కుర్రాళ్లతో కాసేపు ముచ్చటించినట్టు ఎన్టీఆర్ టీం తెలియజేసింది. ప్రస్తుతం దీనికి సంబంధించిన వీడియో వైరల్ గా మారింది. మీరు కూడా ఓ లుక్కేయండి :
This is why he’s the PEOPLE’S HERO ❤️❤️
MAN OF MASSES @Tarak9999 met fans who walked all the way from Kuppam. He spent time with them and made their day with his warmth ✨ #ManOfMassesNTR #NTR pic.twitter.com/FmR7vok8w8
— Vamsi Kaka (@vamsikaka) November 15, 2024
Home