టాలీవుడ్ ఇండస్ట్రీలో తనకంటూ ప్రత్యేక గుర్తింపును సొంతం చేసుకున్న దర్శకులలో శివనిర్వాణ ఒకరు కాగా ఈ డైరెక్టర్ డైరెక్షన్ లో తెరకెక్కిన ఖుషి సినిమా సెప్టెంబర్ నెల 1వ తేదీన థియేటర్లలో రిలీజ్ కానుంది. తాజాగా జరిగిన ఈవెంట్ లో శివ నిర్వాణ మాట్లాడుతూ కొత్త కథ, ట్విస్ట్‌లు, టర్న్‌లు ఉంటాయని నేను చెప్పనని చెబుతూనే ఈ సినిమాపై అంచనాలను అమాంతం పెంచేశారు. నేను ఎవరికీ అభిమానిని కాదని అయితే సమంతకు ఫ్యాన్ అని చెప్పుకుంటానని శివ నిర్వాణ అన్నారు.
ఈ సినిమా చూసిన ప్రతి ఒక్కరూ తమ ప్రేమ జీవితంలోని జ్ఞాపకాలను షేర్ చేసుకుంటారని ఆయన తెలిపారు. సినిమాలో విజయ్ దేవరకొండ, సమంత కనిపించరని వాళ్ల పాత్రలు మాత్రమే కనిపిస్తాయని శివ నిర్వాణ అన్నారు. ఈ సినిమా మనస్సుకు హత్తుకునేలా ఉంటుందని ఆయన కామెంట్లు చేశారు. నాకు పెళ్లై నాలుగేళ్లు అయిందని భార్యతో ఉన్న సందర్భాలు అన్నీ ఈ సినిమాలో నాకు తెలియకుండా రిఫ్లెక్ట్ అయ్యాయని (Shiva Nirvana) శివ నిర్వాణ కామెంట్లు చేశారు.
ఖుషి మూవీ నవ్విస్తుందని ఏడిపిస్తుందని ఈ సినిమా చూసిన వాళ్లకు మళ్లీ ఈ సినిమా చూడాలని అనిపిస్తుందని ఆయన అన్నారు. సినిమా పూర్తైన తర్వాత నాకొక మంచి ఫ్యామిలీ ఉందని మీపై మీకే ఇష్టం కలుగుతుందని శివ నిర్వాణ వెల్లడించారు. తన కామెంట్లతో శివ నిర్వాణ ఈ సినిమాపై అంచనాలను పెంచేశారు. విజయ్, సమంత మధ్య కెమిస్ట్రీ అదుర్స్ అనేలా ఉంటుందని తెలుస్తోంది.
విజయ్, సామ్ కోరుకున్న సక్సెస్ ఈ సినిమాతో దక్కాలని ఫ్యాన్స్ భావిస్తున్నారు. విజయ్, సామ్ జోడీ బాగుందని ఫ్యాన్స్ చెబుతున్నారు. దర్శకులు ఈ కాంబినేషన్ ను రిపీట్ చేయాలని విజయ్ సమంత కాంబోలో మరిన్ని సినిమాలు రావాలని ఫ్యాన్స్ భావిస్తున్నారు. విజయ్, సమంతలకు క్రేజ్ అంతకంతకూ పెరుగుతోంది.
జైలర్ సినిమా రివ్యూ & రేటింగ్!
భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!
Home