Jr NTR: కొరటాల ఈ విషయంలో లాజిక్‌ మిస్‌ అయ్యారా.. ఎందుకనో?

భయానికే భయం పుట్టించేవాడు మా హీరో… ఇది ఎవరి గురించి ఎవరు చెప్పారో మీకు తెలిసిందే. ‘దేవర’ గురించి కొరటాల శివ చెప్పిన మాటలు ఇవి. ఈ సినిమా పేరు ‘దేవర’ అని తెలియకముందు, ఎన్టీఆర్‌ లుక్‌ చూపించకముందు కొరటాల చెప్పిన మాటలు ఇవి. దీంతో సినిమా ఫస్ట్‌లుక్‌ విషయంలో చాలా ఎక్స్‌పెక్టేషన్స్‌ ఉన్నాయి. దానికి తగ్గట్టే టీజర్‌ పోస్టర్లలో కత్తులు పెట్టి, మెలికలు తిప్పి మరీ చూపించారు. అయితే ఫస్ట్‌ లుక్‌లో ఆ ‘భయం’ కనిపించలేదు అని చెప్పొచ్చు.

ఓ పోస్టర్‌ను చూసి సినిమా సంగతి చెప్పలేం కానీ.. అప్పటివరకు ఇచ్చిన హైప్‌ ఆ పోస్టర్‌లో ఉందో లేదో ఈజీగా చెప్పేయొచ్చు. సినిమా పేరును జస్టిఫై చేశారా లేదా అనేది సినిమా చూస్తే తెలుస్తుంది అనుకోండి. అయితే పోస్టర్‌లో ఎన్టీఆర్‌ లుక్‌, అటైర్‌ చూస్తే వేరే లెక్క కనిపిస్తోంది. ఎన్టీఆర్‌ చాలా సీరియస్‌గా కనిపిస్తున్నాడు తప్ప రౌద్రం కనిపించడం లేదు అనే విమర్శలు కనిపిస్తున్నాయి. మామూలుగా అయితే (Jr NTR) హీరో ఫస్ట్‌లుక్‌లు క్లోజప్‌ షాట్లతో వస్తాయి. కానీ ఈ సినిమాకు అలా జరగలేదు.

దీంతో ఇది ఫస్ట్‌ లుక్కా, టీజర్ లుక్కా అనే కామెంట్స్‌ సోషల్‌ మీడియాలో కనిపిస్తున్నాయి. సినిమా పేరుతో ఉన్న గాంభీర్యం ఎన్టీఆర్‌ లుక్‌లో ఉంది కానీ.. సినిమా కథ, ప్రాణం అంటున్న ‘భయానికి భయం తెప్పించే మనిషి ఈయన’ అనే ఫీల్‌ పోస్టర్‌లో లేదంటున్నారు. మరి వీటిని కొరటాల శివ దగ్గరకు ఈ విషయాలు ఎవరైనా తీసుకెళ్తారేమో చూడాలి. ఎందుకంటే ఆయన సోషల్‌ మీడియా నుండి ఆయన దూరంగా ఉన్నారు.

ఇక ఈ సినిమా గురించి చూస్తే.. జాన్వీ కపూర్‌ హీరోయిన్‌గా నటిస్తున్న ఈ సినిమాలో సైఫ్‌ అలీ ఖాన్‌ విలన్‌గా నటిస్తున్నారు. సుధాకర్‌ మిక్కిలినేని, కల్యాణ్‌ రామ్‌ నిర్మాతలుగా వ్యవరిస్తున్న ఈ సినిమాను వచ్చే ఏడాది విడుదల చేయాలని నిర్ణయించారు. ప్రస్తుతం ఈ సినిమా షూటింగ్‌లో నగరంలో వివిధ సెట్స్‌లో శరవేగంగా సాగుతోంది.

బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!

అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు