LEO Movie: పుష్ప2 రికార్డ్ కు చెక్ పెట్టిన విజయ్ లియో.. ఏం జరిగిందంటే?

అల్లు అర్జున్ సుకుమార్ కాంబినేషన్ లో తెరకెక్కుతున్న పుష్ప2 మూవీ వచ్చే ఏడాది ఇండిపెండెన్స్ డే కానుకగా రిలీజ్ కానుంది. లాంగ్ వీకెండ్ ను టార్గెట్ చేసుకుని ఈ సినిమా రిలీజ్ కానుండగా ఈ సినిమా అంచనాలను మించి సక్సెస్ సాధించడం ఖాయమని కామెంట్లు వినిపిస్తున్నాయి. భాషతో సంబంధం లేకుండా అన్ని భాషల్లో ఈ సినిమాపై భారీ అంచనాలు ఏర్పడగా కలెక్షన్ల విషయంలో ఈ మూవీ సరికొత్త రికార్డులను క్రియేట్ చేసే అవకాశాలు కనిపిస్తున్నాయి.

పుష్ప2 మూవీ పోస్టర్ ఏ స్థాయిలో సంచలనాలు సృష్టించిందో ప్రత్యేకంగా చెప్పాల్సిన అవసరం లేదు. పుష్ప2 మూవీ పోస్టర్ కు 33 నిమిషాల్లో మిలియన్ లైక్స్ రాగా లియో మూవీ 32 నిమిషాల్లోనే 10 లక్షల లైక్స్ ను సొంతం చేసుకుని ఈ రికార్డ్ ను సులువుగా బ్రేక్ చేయడంతో విజయ్ ఫ్యాన్స్ సంతోషానికి అవధులు లేకుండా పోయాయి. బన్నీ మూవీ రికార్డ్ ను లియో బ్రేక్ చేయడం సోషల్ మీడియాలో హాట్ టాపిక్ అవుతోంది.

అయితే లియో క్రియేట్ చేసిన ఈ రికార్డ్ ను రాబోయే రోజుల్లో ఏ సినిమా బ్రేక్ చేయనుందో చూడాల్సి ఉంది. అక్టోబర్ నెల 19వ తేదీన థియేటర్లలో లియో మూవీ రిలీజ్ కానుంది. లోకేశ్ కనగరాజ్ డైరెక్షన్ లో తెరకెక్కుతున్న సినిమా కావడంతో ఈ సినిమాపై అంచనాలు పెరుగుతున్నాయి. లియో సినిమా రెమ్యునరేషన్ల కోసమే 200 కోట్ల రూపాయల రేంజ్ లో ఖర్చు అయిందని సమాచారం అందుతోంది.

లియో (LEO Movie) సినిమాకు ఇండస్ట్రీ వర్గాల్లో పాజిటివ్ టాక్ వినిపిస్తుండగా ఈ సినిమా ఎలాంటి ఫలితాన్ని అందుకుంటుందో చూడాల్సి ఉంది. తెలుగు రాష్ట్రాల్లో రికార్డ్ స్థాయి థియేటర్లలో ఈ సినిమా రిలీజ్ కానుందని సమాచారం అందుతోంది. విజయ్ ను అభిమానించే ఫ్యాన్స్ సంఖ్య పెరుగుతుండగా సినిమా సినిమాకు విజయ్ మార్కెట్ పెరుగుతోంది. త్వరలో విజయ్ రాజకీయాల్లోకి ఎంట్రీ ఇవ్వనున్నారని తెలుస్తోంది.

మార్క్ ఆంటోనీ సినిమా రివ్యూ & రేటింగ్!

ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!