Rashmika Rejected Movies: 5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!

2018 వ సంవత్సరంలో వచ్చిన ‘ఛలో’ చిత్రంతో టాలీవుడ్ కు ఎంట్రీ ఇచ్చిన కన్నడ బ్యూటీ రష్మిక.. అనతి కాలంలోనే స్టార్ డంని సంపాదించుకుంది. ‘గీత గోవిందం’ ‘సరిలేరు నీకెవ్వరు’ ‘భీష్మ’ ‘పుష్ప’ వంటి చిత్రాలు సూపర్ హిట్లవ్వడంతో ఈమె టాప్ హీరోయిన్ గా ఎదిగింది. ప్రస్తుతం రష్మిక కన్నడం,తెలుగుతో పాటు తమిళ్, హిందీ భాషల్లో సినిమాలు చేస్తూ బిజీగా గడుపుతోంది. ఈరోజు రష్మిక పుట్టినరోజు కావడంతో సోషల్ మీడియాలో అభిమానులు ఆమెకు పెద్ద ఎత్తున విషెస్ చెబుతున్నారు. ఇదిలా ఉండగా.. ఇంత తక్కువ టైములో రష్మిక మందన స్టార్ హీరోయిన్ గా ఎదగడానికి కారణం ఆమె మంచి స్క్రిప్ట్ లు ఎంపిక చేసుకోవడం వల్లనే. ఒక హిట్ వచ్చింది కదా అని ఏ ఆఫర్ వచ్చినా ఆమె యాక్సెప్ట్ చేయలేదు. తనకు మంచి ఇమేజ్ తెచ్చిపెట్టే కథల్నే ఎంపిక చేసుకుంది. ఈ 5 ఏళ్ళలో ఆమె 50 కి పైగా స్క్రిప్ట్ లను రిజెక్ట్ చేసినట్టు ఓ సందర్భంలో చెప్పుకొచ్చింది. అవన్నీ ఏమో కానీ ఆమె రిజెక్ట్ చేసిన 10 సినిమాల లిస్ట్ ను ఓ లుక్కేద్దాం రండి :

1) కిరిక్ పార్టీ(హిందీ) :

కన్నడంలో హిట్ అయిన ‘కిరిక్ పార్టీ’ చిత్రాన్ని హిందీలో కార్తిక్ ఆర్యన్ తో రీమేక్ చేయాలనుకున్నారు. ఆ టైములో రష్మిక మందనని హీరోయిన్ గా సంప్రదించారు. కానీ ఆమె ఆ ప్రాజెక్టుకి నొ చెప్పింది.

2) జెర్సీ(హిందీ) :

తెలుగులో హిట్ అయిన ‘జెర్సీ’ని హిందీలో షాహిద్ కపూర్ తో రీమేక్ చేసిన సంగతి తెలిసిందే. ఈ మూవీలో మృణాల్ ఠాకూర్ ప్లేస్ లో మొదట రష్మిక ని అనుకున్నారు. కానీ అప్పుడే రష్మికకి ఓ పిల్లాడికి తల్లిగా చెయ్యడం ఇష్టం లేదని రిజెక్ట్ చేసిందట.

3) ఆచార్య :

చిరంజీవి- చరణ్ కాంబోలో తెరకెక్కుతున్న ఈ మూవీలో.. చరణ్ సరసన హీరోయిన్ గా మొదట రష్మిక ని అనుకున్నాడట దర్శకుడు కొరటాల శివ. కానీ కొన్ని కారణాల వల్ల రష్మిక చేయలేను అని చెప్పడంతో పూజా హెగ్డేని ఎంపిక చేసుకున్నారు.

4) మాస్టర్ :

విజయ్-విజయ్ సేతుపతి- లోకేష్ కానగరాజన్ కాంబినేషన్లో రూపొందిన ఈ మూవీలో హీరోయిన్ గా మొదట రష్మికని సంప్రదించారు. కానీ ఆమె నొ చెప్పడంతో మాళవిక మోహనన్ ను ఎంపిక చేసుకున్నారు.

5) బీస్ట్ :

ఈ మూవీలో కూడా హీరోయిన్ గా మొదట రష్మిక ని అనుకున్నారు. కానీ ఆమె నొ చెప్పడంతో పూజా హెగ్డేని ఫైనల్ చేశారు.

6) అంటే సుందరానికి :

నాని హీరోగా వివేక్ ఆత్రేయ దర్శకత్వంలో తెరకెక్కుతున్న ఈ మూవీలో హీరోయిన్ గా మొదట రష్మిక ని అనుకున్నారు. కానీ ఆమె నొ చెప్పడంతో మలయాళం స్టార్ హీరోయిన్ నజ్రియా నజీమ్ ను ఎంపిక చేసుకున్నారు.

7) బంగార్రాజు :

ఈ చిత్రంలో నాగ చైతన్య సరసన మొదట రష్మికని అనుకున్నారు. కానీ చివరికి ‘ఉప్పెన’ బ్యూటీ కృతి శెట్టిని ఫైనల్ చేశారు.

8) ఆర్సీ 15 :

రాంచరణ్- శంకర్- దిల్ రాజు కాంబినేషన్లో తెరకెక్కుతున్న ఈ మూవీలో హీరోయిన్ గా మొదట రష్మికని అనుకున్నారు. కానీ ఆమె నొ చెప్పడంతో కైరా అద్వానీని ఎంపిక చేసుకున్నారు.

9) మహాసముద్రం :

‘ఆర్.ఎక్స్.100’ దర్శకుడు అజయ్ భూపతి తెరకెక్కించిన ఈ మూవీలో ‘మహా’ పాత్రకి సమంతని అనుకున్నారు, ఆ తర్వాత రష్మికని కూడా సంప్రదించారు. కానీ వీరిద్దరూ ఈ ప్రాజెక్టుకి నొ చెప్పారు.

ఇవి మాత్రమే సంజయ్ లీలా భన్సాలీ దర్శకత్వంలో ఒక సినిమా, సందీప్ రెడ్డి వంగా దర్శకత్వంలో ఓ సినిమాని కూడా రష్మిక రిజెక్ట్ చేసింది.