మహేష్ తో కలిసి నటించనున్న బాలీవుడ్ హీరో!

అందగాడు మహేష్ బాబు కి తెలుగు రాష్ట్రాల్లోనే కాదు దేశవ్యాప్తంగా అభిమానులున్నారు. ఎప్పుడో టాలీవుడ్ సూపర్ స్టార్ కి బాలీవుడ్ నుంచి పిలుపు వచ్చింది. ఆ ఛాన్స్ ని సున్నితంగా తిరస్కరించినా.. ఇప్పుడు కాదనలేకపోయారు. నేషనల్ వైడ్ ప్రసారమయ్యే థమ్స్ అప్ యాడ్ లో నటిస్తున్నారు. ఈ వాణిజ్య ప్రకటనలో బాలీవుడ్ రైజింగ్ హీరో రణ్‌వీర్‌తో కూడా నటించారు. గత రెండు రోజులుగా జరిగిన ఈ షూటింగ్ కి సంబంధించిన ఫోటోలు  సోషల్ మీడియాలో లైక్లు, షేర్లు అందుకుంటున్నాయి. స్పైడర్ తో కోలీవుడ్ లోకి అడుగుపెట్టిన మహేష్..

ఈ యాడ్ తో దేశంలోని అన్ని పరిశ్రమల వారికీ పరిచయం అయినట్టేనని మహేష్ ఫ్యాన్స్ ఆనందం వ్యక్తం చేస్తున్నారు. మహేష్ ఈరోజు నుంచి “భరత్ అనే నేను” షూట్‌లో పాల్గొనబోతున్నారు. తమిళనాడులోని కారైకుడిలో జరిగే ఈ షెడ్యూల్ ఈనెల 26 వరకూ కొనసాగుతుంది.కొరటాల శివ దర్శకత్వంలో తెరకెక్కుతోన్న ఈ సినిమాలో మహేష్ ముఖ్యమంత్రిగా కనిపించబోతున్నారు. బాలీవుడ్ బ్యూటీ కైరా అద్వానీ హీరోయిన్ గా నటిస్తున్న ఈ సినిమా వచ్చే సంవత్సరం ఏప్రిల్ 27న రిలీజ్ కానుంది. ప్రముఖ నిర్మాత డి.వి.వి. దానయ్య ఈ సినిమాని ఎక్కడ కాంప్రమైజ్ కాకుండా నిర్మిస్తున్నారు. ఇండస్ట్రీ హిట్ శ్రీమంతుడు కాంబినేషన్లో వస్తున్న ఈ మూవీపై భారీ అంచనాలున్నాయి.