సూపర్ స్టార్ మహేష్ బాబు కెరీర్ ని మలుపుతిప్పిన చిత్రం పోకిరి. ఈ సినిమాలో మహేష్ నటన మాత్రమే కాదు ముమైత్ ఖాన్ చేసిన ‘ఇప్పటికింకా నా వయసు’ అనే ఐటెం సాంగ్ మాస్ ప్రేక్షకులను విపరీతంగా ఆకట్టుకుంది. అప్పటి నుంచి మహేష్ సినిమాలో ఓ స్పెషల్ సాంగ్ తప్పనిసరి అయింది. శ్రీను వైట్ల దర్శకత్వంలో వచ్చిన దూకుడు సినిమాలోనూ స్పెషల్ సాంగ్ అల్లాడించింది. ఆ ఉద్దేశంతో కొరటాల శివ ఓ స్పెషల్ సాంగ్ ని భరత్ అనే నేను సినిమాలో పెట్టాలనుకున్నారు. కానీ అందుకు మహేష్ బాబు నో చెప్పినట్లు సమాచారం. రాజకీయ నేపథ్యంలో సాగే ఈ కథలో ఐటెం సాంగ్ సెట్ కాదని చెప్పడంతో కొరటాల ఆపేసినట్లు ఫిలిం నగర్ వాసులు చెప్పుకుంటున్నారు.
తొలిసారి ముఖ్యమంత్రిగా మహేష్ కనిపించనున్న ఈ చిత్రంలో బాలీవుడ్ బ్యూటీ కైరా అద్వానీ హీరోయిన్ గా నటిస్తోంది. ప్రస్తుతం రామోజీ ఫిలిం సిటీలో క్లైమాక్స్ సన్నివేశాలను తెరకెక్కిస్తున్నారు. దీని తర్వాత మిగిలిన పాటలను షూట్ చేయనున్నారు. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ చిత్రం ఫస్ట్ లుక్ గణతంత్ర దినోత్సవం సందర్భంగా జనవరి 26 న రిలీజ్ చేయనున్నారు. శ్రీమంతుడు కాంబినేషన్లో రూపుదిద్దుకుంటున్న ఈ మూవీ ఏప్రిల్ లో రిలీజ్ కానుంది. దీని తర్వాత మహేష్ వంశీ పైడిపల్లి దర్శకత్వంలో నటించనున్నారు. దిల్రాజు, అశ్వినీదత్ కలిసి నిర్మిస్తున్న ఈ సినిమాకి ప్రీ ప్రొడక్షన్ వర్క్ జోరుగా సాగుతోంది.
