‘ఖుషి’ సినిమా గురించి మాట్లాడటం మొదలుపెట్టగానే వచ్చే టాపిక్‌… ‘నా రాజా నువ్వే..’. సినిమాలోని ఈ పాటకు పిచ్చ ఫ్యాన్స్‌ ఉన్నారు అని చెప్పొచ్చు. ఇప్పటికీ పాటను లూప్‌లో పెట్టి వింటూనే ఉన్నారు. నిజానికి ఆ పాటకు ఫ్యాన్ అవ్వడానికి ఆ సినిమా హీరోకో, హీరోయిన్‌కో ఫ్యాన్ అవ్వక్కర్లేదు. జస్ట్‌ మీరు సంగీత ప్రియులు అయితే చాలు. ఎందుకంటే అలాంటి వారికి ఆ పాట అంతగా నచ్చేసింది. ఈ పాటకు సంబంధించిన కొన్ని ఆసక్తికర విషయాలను సంగీత దర్శకుడు హిషమ్‌ అబ్దుల్ వాహబ్‌ చెప్పారు.
విజయ్‌ దేవరకొండ, సమంత ప్రధాన పాత్రల్లో నటించిన చిత్రం (Kushi) ‘ఖుషి’. శివ నిర్వాణ దర్శకత్వం వహించిన ఈ సినిమా సెప్టెంబరు 2న విడుదలవుతోంది. ఈ సందర్భంగా అబ్దుల్ వాహబ్‌ మీడియాతో మాట్లాడుతూ ఈ సినిమా కోసం నేను రెండేళ్ల పాటు కష్టపడ్డాను, నా కెరీర్‌లో అత్యధిక కాలం పని చేసిన సినిమా ఇదే అని చెప్పుకొచ్చారు. ఈ సినిమాలో విజయ్‌ దేవరకొండ మణిరత్నం అభిమానిగా కనిపిస్తారని, అందుకే ‘నా రోజా నువ్వే…’ పాటలో మణిరత్నం సినిమా టైటిల్స్‌ వాడాం అని వాహబ్‌ వెల్లడించారు.
ఆ పాటను అలా తీర్చిదిద్దాలనే ఆలోచన దర్శకుడు శివ నిర్వాణదే అని, ట్యూన్‌ క్యాచీగా రావడంలో విజయ్‌ ఓ చేయి వేశారని కూడా చెప్పారు. ఇక ఈ సినిమాలో ‘ఖుషి’ టైటిల్‌ సాంగ్‌ సవాలుగా అనిపించిందని చెప్పుకొచ్చారు. తొలుత ఆ ట్యూన్‌ను టీజర్‌ కోసమే అనుకున్నామని, కానీ, తర్వాత విజయ్‌, శివ పూర్తిస్థాయి పాటగా మారిస్తే బాగుంటుందన్నారని, అందుకే ఆ పాట బయటకు వచ్చిందన్నారు. అయితే పాట కోసం దాదాపు 25 వెర్షన్లు సిద్ధం చేశామని తెలిపారు.
ఇక అబ్దుల్ వాహబ్‌ సినిమాల లైనప్‌ చూస్తే.. ప్రస్తుతం నాని ‘హాయ్‌ నాన్న’, శర్వానంద్‌ – శ్రీరామ్‌ ఆదిత్య సినిమా, ‘స్పార్క్‌’ సినిమాలకు సంగీతం అందిస్తున్నారు. త్వరలో మరో ఇంట్రెస్టింగ్‌ తెలుగు సినిమా అనౌన్స్‌మెంట్‌ ఉంటుంది అని ఆయన ఇటీవల చెప్పుకొచ్చారు.
మిడ్ రేంజ్ హీరోలు చేసిన ఈ 10 యాక్షన్ సినిమాలు భారీ నష్టాలు మిగిల్చాయని మీకు తెలుసా?
మెహర్ రమేష్ తో పాటు పెద్ద హీరోలు ఛాన్సులు ఇచ్చినా హిట్లివ్వలేకపోయిన డైరెక్టర్ల లిస్ట్.!
రామ్ నీ బాలయ్య ఏమని తిట్టాడో తెలిస్తే షాక్ అవుతారు..!
