ఎన్టీఆర్ కోసం పాన్ ఇండియా క్రష్.. నీల్ పవర్ఫుల్ ప్లాన్!

టాలీవుడ్ యంగ్ టైగర్ ఎన్టీఆర్ (Jr NTR)  , ‘కేజీఎఫ్’ ఫేమ్ దర్శకుడు ప్రశాంత్ నీల్(Prashanth Neel)   కాంబినేషన్‌లో రూపొందుతున్న ‘డ్రాగన్’ (Dragon) సినిమా పాన్ ఇండియా స్థాయిలో భారీ హైప్ క్రియేట్ చేస్తోంది. మైత్రి మూవీ మేకర్స్, ఎన్టీఆర్ ఆర్ట్స్ బ్యానర్‌లపై రూపొందుతున్న ఈ సినిమా 1969 నేపథ్యంలో బంగ్లాదేశ్‌లోని తెలుగు వలసదారుల కథతో రానుంది. ఎన్టీఆర్ ఈ సినిమాలో శక్తివంతమైన సేవియర్ పాత్రలో కనిపించనున్నాడు, ఇమిగ్రేషన్ సమస్యల చుట్టూ సాగే ఈ పీరియాడ్ డ్రామా ఎమోషనల్ డెప్త్‌తో పాటు నీల్ మార్క్ యాక్షన్‌తో నిండి ఉంటుందని అంటున్నారు.

Dragon

ఈ సినిమా షూటింగ్ ఇప్పటికే ప్రారంభమైంది, ఇటీవల కర్ణాటకలో ఓ షెడ్యూల్ పూర్తయింది. ఎన్టీఆర్ ఏప్రిల్ 22 నుంచి షూటింగ్‌లో జాయిన్ అయ్యాడు, కీలకమైన యాక్షన్ సన్నివేశాలతో పాటు డైలాగ్ సీన్స్‌ను చిత్రీకరించారు. ఈ సినిమా 2026 జూన్ 25న విడుదల కానుందని నిర్మాతలు లక్ష్యంగా పెట్టుకున్నారు, తెలుగుతో పాటు హిందీ, తమిళ, కన్నడ భాషల్లో రిలీజ్ కానుంది. నీల్ గతంలో ‘కేజీఎఫ్’ (KGF), ‘సలార్’ (Salaar)  సినిమాలతో చూపించిన యాక్షన్ సీక్వెన్స్‌లను ‘డ్రాగన్’లో మరింత ఉన్నత స్థాయిలో అందించనున్నారని టాక్.

‘డ్రాగన్’ సినిమాలో హీరోయిన్‌గా కన్నడ నటి రుక్మిణి వసంత్ (Rukmini Vasanth)  నటిస్తోంది. ‘సప్త సాగరాలు దాటి’ (Sapta Sagaralu Dhaati) సినిమాతో గుర్తింపు తెచ్చుకున్న రుక్మిణి, ఈ సినిమాలో ఎమోషనల్ డెప్త్‌ను జోడించే పాత్రలో కనిపించనుంది. ఆమె నటన కథలో కీలకమైన మలుపును తీసుకురానుందని, ఎన్టీఆర్‌తో ఆమె కెమిస్ట్రీ సినిమాకు పెద్ద హైలైట్ కానుందని అంటున్నారు. రుక్మిణి పాత్ర ఎన్టీఆర్ సేవియర్ పాత్రతో ఎలా ముడిపడుతుందనేది ఆసక్తి రేకెత్తిస్తోంది.

ఇదిలా ఉంటే, సినిమాలో స్టార్ హీరోయిన్ రష్మిక మందన్న (Rashmika Mandanna) కీలక పాత్రలో నటిస్తుందని ఫిల్మ్ నగర్‌లో జోరుగా చర్చ సాగుతోంది. రష్మిక లీడ్ హీరోయిన్ కాకపోయినా, కథలో ఊహించని ట్విస్ట్ తీసుకురాబోతున్నట్లు సమాచారం. ‘పుష్ప 2’ (Pushpa 2: The Rule), ‘యానిమల్’  (Animal) లాంటి సినిమాలతో స్టార్ హీరోయిన్‌గా ఎదిగిన రష్మిక, ఈ సినిమాలో ఎన్టీఆర్‌తో తొలిసారి స్క్రీన్ షేర్ చేసుకోనుంది.

ఆమె పాత్ర కథలో యూ టర్న్ తీసుకురావడంతో పాటు, సినిమాను మరో స్థాయికి తీసుకెళ్లే అవకాశం ఉందని అంటున్నారు. ‘డ్రాగన్’ (Dragon) సినిమా పాన్-ఇండియా లెవెల్‌లో అద్భుతమైన విజువల్ ఎక్స్‌పీరియన్స్‌ను అందించనుందని, ఎన్టీఆర్ ఇంటెన్స్ రోల్, నీల్ యాక్షన్ సీక్వెన్స్‌లు అభిమానులకు కిక్కిచ్చేలా ఉంటాయని అంటున్నారు. రష్మిక పాత్ర నిజంగా ట్విస్ట్ తీసుకువస్తే, ఈ సినిమా బాక్సాఫీస్ వద్ద సంచలనం సృష్టించడం ఖాయం.