టాలీవుడ్ స్టార్ హీరోలలో ఒకరైన ప్రభాస్ కు (Prabhas) ప్రేక్షకుల్లో ఊహించని స్థాయిలో క్రేజ్ తో పాటు మంచి గుర్తింపు ఉందనే సంగతి తెలిసిందే. వరుస సినిమాలలో నటిస్తున్న ప్రభాస్ మరో నెల రోజుల్లో కల్కి 2898 ఏడీ (Kalki 2898 AD) సినిమాతో ప్రేక్షకుల ముందుకు రానున్నారు. బాహుబలి (Baahubali: The Beginning), బాహుబలి2 (Baahubali 2: The Conclusion) సినిమాలతో ప్రభాస్ ఏ స్థాయిలో సంచలనాలు సృష్టించారో కల్కి సినిమాతో ప్రభాస్ అదే స్థాయిలో మ్యాజిక్ చేస్తారని కామెంట్లు వ్యక్తమవుతున్నాయి. ఐపీఎల్ మ్యాచ్ ల మధ్య కల్కి యాడ్స్ ప్రసారమవుతుండగా ఈ యాడ్స్ కోసం మేకర్స్ భారీ స్థాయిలో ఖర్చు చేస్తున్నారని తెలుస్తోంది.
10 నుంచి 12 సెకన్లు ఉన్న ఈ యాడ్ కోసం కల్కి మేకర్స్ 2.5 నుంచి 3 కోట్ల రూపాయల రేంజ్ లో ఖర్చు చేస్తున్నారని కామెంట్లు చేస్తున్నారు. సినిమాలో హీరో ప్రభాస్ కాబట్టే మేకర్స్ ఈ రేంజ్ లో ఖర్చు చేస్తున్నారని అభిప్రాయాలు వ్యక్తమవుతూ ఉండటం గమనార్హం. కల్కి 2898 ఏడీ ప్రమోషన్స్ ను మేకర్స్ కొత్తగా ప్లాన్ చేస్తున్నారని కామెంట్లు వ్యక్తమవుతున్నాయి. కల్కి రిలీజ్ సమయానికి ఈ మూవీపై ఆకాశమే హద్దుగా అంచనాలు పెరిగే ఛాన్స్ అయితే ఉంది.
కల్కి 2898 ఏడీ టీజర్, ట్రైలర్ కోసం ఫ్యాన్స్ ఒకింత ఆసక్తిగా ఎదురుచూస్తున్నారు. ఈ సినిమా రెండు భాగాలుగా తెరకెక్కుతున్న సంగతి తెలిసిందే. ఈ సినిమాలో ట్విస్టులు సైతం అద్భుతంగా ఉంటాయని భోగట్టా. కల్కి 2898 ఏడీ పార్ట్1 ఏడీ ఈ ఏడాది విడుదల కానుండగా ఈ సినిమా సీక్వెల్ ఎప్పుడు విడుదలవుతుందో తెలియాల్సి ఉంది.
కల్కి సినిమా పిల్లల నుంచి పెద్దల వరకు అన్ని వర్గాల ప్రేక్షకులను ఆకట్టుకునే ఛాన్స్ అయితే ఉంది. మరికొన్ని గంటల్లో ఈ సినిమా నుంచి బుజ్జి పాత్రను రివీల్ చేయనున్నారు. సినిమాలో భైరవ వాహనం పేరు బుజ్జి కాగా ఆ పాత్రకు ఎన్నో ప్రత్యేకతలు ఉంటాయని తెలుస్తోంది.
