Toxic: 3 నెలల్లో రిలీజ్… ఇంకా ఒక్క షెడ్యూల్ కూడా కంప్లీట్ అవ్వలేదా?

‘కె.జి.ఎఫ్'(సిరీస్)(KGF2)  తో పాన్ ఇండియా స్టార్ అయిపోయాడు కన్నడ స్టార్ హీరో యష్(Yash). దీంతో అతని నెక్స్ట్ సినిమా ‘టాక్సిక్ – ఏ ఫెయిరీ టేల్ ఫ‌ర్ గ్రోన్స్ అప్స్‌’  (Toxic) పై భారీ అంచనాలు ఏర్పడ్డాయి. ఇప్పుడు తనకి ఉన్న ఇమేజ్ ను దృష్టిలో పెట్టుకుని.. చాలా కథలు విన్న తర్వాతే ‘టాక్సిక్’ కథని ఓకే చేశాడు. గీతూ మోహ‌న్‌దాస్ (Geetu Mohandas)  డైరెక్ట్ చేస్తున్న ఈ సినిమా యష్ కెరీర్లో 19 వ సినిమాగా రూపొందుతుంది. ‘కెవిఎన్ ప్రొడ‌క్ష‌న్స్‌’, ‘మాన్‌స్ట‌ర్ మైండ్ క్రియేష‌న్స్’ బ్యాన‌ర్స్‌పై వెంక‌ట్ కె.నారాయ‌ణ వాస్తవానికి ఈ సినిమాని నిర్మిస్తున్నారు.

Toxic

2025 ఏప్రిల్ 10న కన్నడతో పాటు తెలుగు, తమిళ, మలయాళ భాషల్లో కూడా ఏక కాలంలో రిలీజ్ చేస్తున్నట్లు ప్రకటించేశారు. కానీ షూటింగ్ ఇంకా రెండు షెడ్యూల్స్ కూడా కంప్లీట్ అవ్వలేదు అనేది లేటెస్ట్ టాక్. విషయం ఏంటంటే.. ‘టాక్సిక్’ సినిమాకు సంబంధించిన ఆల్రెడీ 2 షెడ్యూల్స్ కంప్లీట్ అయ్యాయి. వీటికోసం నిర్మాత ఏకంగా రూ.30 కోట్లకు పైనే ఖర్చు పెట్టాడట. కానీ రషెస్ చూసుకున్న తర్వాత హీరో యష్ సంతృప్తి చెందలేదట.

దీంతో ఆ ఫుటేజీ మొత్తం వేస్ట్ అయిపోయినట్టు తెలుస్తుంది. ఇప్పుడు మళ్ళీ రీ- షూట్లు చేయాలి. మరో 3 నెలల్లో రిలీజ్ పెట్టుకుని ఇంకా 10 శాతం షూటింగ్ కూడా కంప్లీట్ చేసుకోకపోవడం అనేది బహుశా ‘టాక్సిక్’ సినిమాకే జరిగి ఉంటుంది. ‘టాక్సిక్’ కి అనే కాదు.. పెద్ద సినిమాలు అన్నిటికీ ఇలాగే బడ్జెట్లు పెరిగిపోతాయి. స్టార్ హోటల్స్ లో సిట్టింగ్లు వేసి మరీ స్క్రిప్ట్ పనులు జరుపుతారు దర్శకులు.

వాటికి లక్షల్లో బిల్లులు కడుతుంటాడు నిర్మాత. అయినా సరే షూటింగ్ చేశాక కూడా ఇలా ఫుటేజీలను డిలీట్ చేయాల్సిన పరిస్థితులు ఏర్పడుతున్నాయి. ఇలా అయితే ‘టాక్సిక్’ షూటింగ్ ఎప్పటికి కంప్లీట్ అవుతుంది.. ఎప్పటికి రిలీజ్ అవుతుంది? నిర్మాతని దృష్టిలో పెట్టుకుని సినిమాలు తీసే దర్శకులు అన్ని భాషల్లోనూ తక్కువైపోయినట్టే కనిపిస్తుంది.