మే నుంచి ‘రీమిక్స్’ మొదలు .. ?

పూరి జగన్నాథ్ దర్శకత్వంలో కళ్యాణ్ రామ్ ఓ చిత్రంలో నటించనున్న సంగతి తెలిసిందే. కళ్యాణ్ రామ్ స్వీయ నిర్మాణ సంస్ధ ఎన్‌టి‌ఆర్ ఆర్ట్స్ పతాకంపై ఈ చిత్రాన్ని నిర్మించనుండగా.. రీమిక్స్ అనే టైటిల్ పరిశీలనలో ఉంది. ఈ చిత్రం మే మొదటి వారం నుంచి సెట్స్ పైకి వెళ్లనున్నట్లు సమాచారం.

ఈ చిత్రంలో కళ్యాణ్ రామ్ జర్నలిస్టు పాత్రలో నటిస్తుండగా.. కళ్యాణ్ సరసన మెహరీన్ ను కథానాయికగా పరిశీలిస్తున్నారు. ఈ చిత్రానికి సంబంధించిన చిత్రీకరణ కార్యక్రమాలు శరవేగంగా పూర్తి చేసి.. దసరా కానుకగా ప్రేక్షకుల ముందుకు తెచ్చేందుకు సన్నాహాలు చేస్తున్నట్లు ఫిల్మ్ నగర్ వర్గాల టాక్. ప్రస్తుతం పూరి ‘రోగ్’ చిత్రాన్ని తెరకెక్కిస్తుండగా.. ఆ తరువాత హిందీలో సంజయ్ దత్ చిత్రానికి దర్శకత్వం వహించనున్నాడు.