AR Rahman: చరణ్ ఫ్యాన్స్ ని టెన్షన్ పెడుతున్న రెహమాన్.. ఏమైందంటే?

పాన్ ఇండియా సినిమాలకి కచ్చితంగా అనిరుధ్ (Anirudh Ravichander), దేవి శ్రీ ప్రసాద్ (Devi Sri Prasad), తమన్ (S.S.Thaman) వంటి మ్యూజిక్ డైరెక్టర్లే ఉండాలని చాలా మంది ఆడియన్స్ ఫిక్స్ అయిపోయారు. వారు ఇచ్చే మ్యూజిక్ కూడా ఎటువంటి అంచనాలు లేని వారి మైండ్లో రిజిస్టర్ అయిపోతుంది. దీంతో చాలా మంది స్టార్ మ్యూజిక్ డైరెక్టర్స్ ఫేడౌట్ దశకి వచ్చేశారు. అందులో ఆస్కార్ అవార్డు గ్రహీత ఏ.ఆర్.రెహమాన్ (A.R.Rahman) పేరు ఎక్కువగా వినిపిస్తుంది. ఒకప్పుడు చార్ట్ బస్టర్ సాంగ్స్ ఇచ్చిన రెహమాన్ ఇప్పుడు ఒక్క వైరల్ సాంగ్ కూడా ఇవ్వలేకపోతున్నారు.

AR Rahman

అందుకే పెద్ద సినిమాలకి రెహమాన్ ని (AR Rahman) సంగీత దర్శకుడిగా తీసుకోవాలి అంటే దర్శకనిర్మాతలు ఆలోచించాల్సిన పరిస్థితి వచ్చి పడింది. లేటెస్ట్ గా వచ్చిన ‘థగ్ లైఫ్’ (Thug Life ) అయితే అది నిజమే అనే సంకేతాలు ఇచ్చింది. ఈ సినిమాలో ఒక్క పాట కూడా ఆడియన్స్ ని ఆకట్టుకోలేదు. నేపధ్య సంగీతం గురించి ఇక చెప్పనవసరం లేదు కూడా..! అందుకే ఇప్పుడు చరణ్ (Ram Charan)  ఫ్యాన్స్ లో కొత్త టెన్షన్ మొదలైంది. అసలే ‘గేమ్ ఛేంజర్’ (Game Changer) మ్యూజిక్ విషయంలో చాలా కంప్లైంట్స్ వచ్చాయి.

తమన్ వంటి మాస్ పల్స్ తెలిసిన మ్యూజిక్ డైరెక్టర్.. టార్గెటెడ్ ఆడియన్స్ ను మెప్పించలేకపోయారు. మరి ఈ జెనరేషన్ మెచ్చే ఆడియో ఇవ్వలేకపోతున్న రెహమాన్ తో మాస్ సినిమా తీస్తున్న దర్శకుడు బుచ్చిబాబు (Buchi Babu Sana).. తనకు కావాల్సిన ఔట్పుట్ రాబట్టుకోగలడా? లేక ‘పెద్ది’ (Peddi)  మ్యూజిక్ కూడా దెబ్బేస్తోందా? అనే టెన్షన్ ఇప్పుడు చరణ్ ఫ్యాన్స్ లో ఎక్కువగానే ఉంది. మరి ఏమవుతుందో చూడాలి.

 నాగార్జున స్పీడ్, ప్లానింగ్.. సూపర్ అబ్బా…!