విజయ్, లోకేశ్ కనగరాజ్ కాంబినేషన్ లో తెరకెక్కిన లియో సినిమాపై అంచనాలు అంతకంతకూ పెరుగుతున్న సంగతి తెలిసిందే. లియో తమిళ్ వెర్షన్ ట్రైలర్ కు ఇప్పటివరకు ఏకంగా 45 మిలియన్ల వ్యూస్ వచ్చాయి. ట్రైలర్ రొటీన్ గా ఉందని కొంతమంది కామెంట్లు చేసినా సినిమా రిలీజ్ సమయానికి ఈ పరిస్థితి మారే ఛాన్స్ అయితే ఉందని సమాచారం అందుతోంది. తాజాగా ఈ సినిమా సెన్సార్ కార్యక్రమాలను సైతం పూర్తి చేసుకుంది.
ఈ సినిమాకు సెన్సార్ బోర్డ్ సభ్యులు 34 కట్స్ చెప్పారని తెలుస్తోంది. లియో సినిమాకు ఈ స్థాయిలో కట్స్ చెప్పడం సోషల్ మీడియా వేదికగా హాట్ టాపిక్ అవుతోంది. మరోవైపు లియో సినిమాలో రామ్ చరణ్ కనిపిస్తారని జోరుగా ప్రచారం జరిగిన సంగతి తెలిసిందే. వైరల్ అయిన వార్తలు నిజమేనని చరణ్ అభిమానులు ఆధారాలతో సహా ప్రూవ్ చేస్తున్నారు. అమెరికాలో అడ్వాన్స్ బుకింగ్స్ లో బుకింగ్స్ వెబ్ సైట్ నటీనటుల వివరాలలో చరణ్ పేరు కూడా ఉంది.
అక్కడ (Ram Charan) చరణ్ పేరు ఉండటంతో ఈ సినిమాలో చరణ్ కచ్చితంగా నటిస్తూ ఉండవచ్చని ఫ్యాన్స్ ఫీలవుతున్నారు. చరణ్ ఈ సినిమాలో కనిపిస్తే మాత్రం తెలుగు రాష్ట్రాల్లో రికార్డ్ స్థాయి కలెక్షన్లు వస్తాయి. రామ్ చరణ్ ఈ సినిమాలో కనిపిస్తారో లేదో మరికొన్ని రోజుల్లో తేలిపోనుంది. అక్టోబర్ 19వ తేదీన తమిళనాడులో రికార్డ్ స్థాయి స్క్రీన్లలో లియో మూవీ రిలీజ్ కానుందని తెలుస్తోంది.
లియో రిలీజ్ వల్ల టైగర్ నాగేశ్వరరావు మూవీకి తమిళనాడులో థియేటర్లు దక్కడం లేదని కామెంట్లు వినిపిస్తున్నాయి. లియో మూవీ బాక్సాఫీస్ ను ఏ రేంజ్ లో షేక్ చేస్తుందో చూడాల్సి ఉంది. తమిళనాడులో తెలుగు సినిమాలకు థియేటర్ల విషయంలో అన్యాయం జరుగుతుండటం హాట్ టాపిక్ అవుతోంది. ఈ విధంగా చేయడం వల్ల నిర్మాతలు తీవ్రస్థాయిలో నష్టపోతారని కామెంట్లు వ్యక్తమవుతున్నాయి.
గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?
‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు
