Kannappa: ‘కన్నప్ప’ లో ఆ సీన్స్ కట్ చేస్తే బెటర్ కదా..!

మంచు విష్ణు (Manchu Vishnu) హీరోగా తెరకెక్కిన ‘కన్నప్ప’ (Kannappa) చిత్రం ఈరోజు ప్రేక్షకుల ముందుకు వచ్చింది. మంచు విష్ణు కెరీర్లో మొదటిసారి బెనిఫిట్ షోలు వంటివి కూడా పడటం విశేషం. ఇది అంతా ఈ సినిమాలో నటించిన స్టార్స్ కోసమే అని ప్రత్యేకంగా చెప్పనవసరం లేదు. ముఖ్యంగా ప్రభాస్ (Prabhas) ఈ సినిమాలో రుద్ర అనే పాత్రని పోషించారు.

Kannappa

అందుకే ఈ సినిమా కోసం మొదటి నుండి ప్రభాస్ (Prabhas) అభిమానులు ఆసక్తిగా ఎదురుచూశారు. ప్రభాస్ ప్రస్తావన లేకుండా ‘కన్నప్ప’ (Kannappa) కి సంబంధించిన ప్రమోషన్ జరిగింది లేదు. ఫైనల్ గా మార్నింగ్ షోలు పడ్డాయి. ప్రతి ఏరియా నుండి ‘కన్నప్ప’ కి డీసెంట్ రిపోర్ట్స్ వస్తున్నాయి. సెకండాఫ్ విషయంలో ‘కన్నప్ప’ (Kannappa) టీం తీసుకున్న కేరింగ్ బాగుంది. అందుకే ఫ్యామిలీ ఆడియన్స్ కూడా ఈ సినిమా చూడడానికి ఇంట్రెస్ట్ చూపిస్తున్నారు.

అయితే ఒక్కటే ఇబ్బంది. అది కూడా ఫ్యామిలీ ఆడియన్స్ కే..! ‘కన్నప్ప’ (Kannappa) లో హీరోయిన్ గ్లామర్ డోస్ బాగా ఎక్కువైంది. తిన్నడు పాత్రకి లవ్ ట్రాక్ ఉంటుంది అని అంతా ముందే ఊహించారు. కానీ ఊహించిన దానికంటే ఎక్కువగానే గ్లామర్ డోస్ ఉంది. పాటల్లో కూడా రొమాన్స్ శృతి మించింది. ఒక సీన్లో ‘తాటికాయలు, గెలలు’ అంటూ హీరో, హీరోయిన్ మధ్య వచ్చే సంభాషణ ఎపిక్ ట్రోల్ మెటీరియల్ అయ్యే అవకాశం లేకపోలేదు.

ఈ సీన్స్ కి కచ్చితంగా పిల్లలతో వెళ్లిన ఫ్యామిలీ ఆడియన్స్ ఇబ్బంది పడే అవకాశం కూడా ఉంటుంది. ఫ్యామిలీ ఆడియన్స్ సినిమాకి ఎక్కువగా రావాలని కోరుకున్న మంచు విష్ణు (Manchu Vishnu).. ఈ విషయంలో జాగ్రత్తలు ఎందుకు తీసుకోలేదు అనేది మిలియన్ డాలర్ల ప్రశ్న. ఇప్పటికైనా మించిపోయింది ఏమీ లేదు. ఆ సీన్స్ అండ్ సాంగ్స్ కనుక డిలీట్ చేస్తే.. 3 గంటల నిడివి తగ్గుతుంది. ఫ్యామిలీ ఆడియన్స్ తో పాటు మిగిలిన ఆడియన్స్ కూడా ఇబ్బంది పడకుండా సినిమాని ఎంజాయ్ చేయగలుగుతారు.

 ‘కన్నప్ప’ పై మంచు మనోజ్ రివ్యూ…!