Ravi Teja: మరో సినిమాకి గ్రీన్ సిగ్నల్ ఇచ్చిన రవితేజ..!

‘క్రాక్’ సినిమా హిట్ అయ్యిందో లేదో వెంటనే వరుస సినిమాలకి గ్రీన్ సిగ్నల్ ఇచ్చేసాడు.. కాదు కాదు ఇచ్చేస్తూనే ఉన్నాడు రవితేజ. అది కూడా భారీ పారితోషికాలు అందుకుంటూ..! ‘ఖిలాడి’ అనే సినిమా ప్లాప్ అయినా రవితేజ పట్టించుకోవడం లేదు. తన స్పీడ్ లో తను వెళ్ళిపోతున్నాడు.శరత్ మండవ దర్శకత్వంలో చేస్తున్న ‘రామారావు ఆన్ డ్యూటీ’ విడుద‌ల‌కు సిద్ధంగా ఉంది. త్రినాధ్ రావు నక్కిన దర్శకత్వంలో చేస్తున్న ‘ధ‌మాకా’ సెట్స్‌ పై ఉంది.

ఈ రెండు సినిమాల పై అంచనాలు ఉన్నాయి.వంశీ కృష్ణ ఆకెళ్ళ దర్శకత్వంలో ‘టైగ‌ర్ నాగేశ్వ‌ర‌రావు’, సుధీర్ వర్మ దర్శకత్వంలో ‘రావ‌ణాసుర’ వంటి సినిమాల్లో కూడా నటిస్తున్నాడు రవితేజ. ఇప్పుడు మరో చిత్రానికి కూడా గ్రీన్ సిగ్నల్ ఇచ్చాడు. అది కూడా ఓ తమిళ దర్శకుడితో పాన్ ఇండియా సినిమా. వివరాల్లోకి వెళితే… బాలాజీ మోహ‌న్‌ అనే తమిళ దర్శకుడు ఇటీవల రవితేజని కలిసి ఓ కథ వినిపించాడట.అది రవితేజకి నచ్చింది.

గతంలో ఇతను ‘మారి’,’మారి 2′ చిత్రాలకి దర్శకత్వం వహించారు. తెలుగులో `ల‌వ్ ఫెయిల్యూర్‌` అనే చిత్రం చేశాడు. అది కూడా బాగానే ఆడింది. కాబట్టి రవితేజ ఓకె చెప్పేశాడని వినికిడి. స్క్రిప్టు ప‌నులు కూడా మొదలైపోయాయట. బాలీవుడ్ కి చెందిన ఓ అగ్ర నిర్మాణ సంస్థ ఈ ప్రాజెక్టుని నిర్మించనుంది అని వినికిడి.తెలుగుతో పాటు తమిళ, హిందీ భాషల్లో కూడా ఈ మూవీ విడుదల కానుందట.

ఇది కాకుండా మెగాస్టార్ చిరంజీవి హీరోగా బాబీ దర్శకత్వంలో తెరకెక్కుతున్న ‘వాల్తేరు వీరయ్య'(వర్కింగ్ టైటిల్) చిత్రంలో కూడా రవితేజ ఓ కీలక పాత్ర పోషించనున్నాడు అనే టాక్ ఎప్పటినుండో నడుస్తుంది.

సర్కారు వారి పాట సినిమా రివ్యూ & రేటింగ్!

Most Recommended Video

10 ఏళ్ళ ‘గబ్బర్ సింగ్’ గురించి 12 ఆసక్తికరమైన విషయాలు..!
‘చెల్లమ్మ’ టు ‘మ మ మహేషా’.. జోనిత గాంధీ పాడిన 10 సూపర్ హిట్ పాటల లిస్ట్..!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు..!

Share.