గౌతమి పుత్ర శాతకర్ణి విజయంతో నటసింహ నందమూరి బాలకృష్ణ చాలా ఆనందంగా ఉన్నారు. ఈ మూవీ మంచి పేరుతో పాటు లాభాలను తెచ్చి పెట్టడంతో డైరక్టర్లు బాలయ్య డేట్స్ కోసం క్యూలో ఉన్నారు. బడా దర్శకులు సైతం అద్భుత కథలను వినిపించారు. ఏ స్టోరీ ఎంచుకోవాలో ఆలోచనలో ఉన్న ఆయన సడన్ గా తన తండ్రి మహా నటుడు నందమూరి తారక రామరావు జీవిత చరిత్రపై సినిమా తీస్తానని, అందులో హీరోగా తానే నటిస్తానని వెల్లడించారు. సమయం సందర్భం లేకుండా ఓ ఆస్పత్రి ప్రారంభోత్సవంలో ఈ ప్రకటన చేయడం వెనుక బలమైన కారణం ఉందని లేటెస్ట్ గా తెలిసింది. యంగ్ టైగర్ ఎన్టీఆర్ తన తాత సీనియర్ ఎన్టీఆర్ జీవిత కథపై సినిమా తీయాలని అనుకున్నారు.
అంతేకాదు దర్శకుడు పూరి జగన్నాథ్ కి ఆ మహానటుడుపై పరిశోధన చేయమని, స్క్రిప్ట్ సిద్ధం చేయమని చెప్పారంట. అదే పనిలో స్టార్ డైరక్టర్ ఉండగా.. ఆ విషయం బాలకృష్ణ చెవిన పడింది. దీంతో తాను ఉండగా తారక్ సినిమా తీయడం ఏమిటని భావించి, ముందుగానే బాలయ్య ఈ చిత్రం చేస్తున్నట్లు ప్రకటించినట్లు టాలీవుడ్ వర్గాలు తెలిపాయి. సో ఇప్పటి వరకు ఎన్టీఆర్ జీవిత చరిత్రపై అధ్యయనం చేసిన డైరక్టర్ పూరి నే ఈ చిత్రానికి డైరక్టర్ గా తీసుకోవాలని బాలయ్య ఆలోచిస్తున్నారు.
Also, do SUBSCRIBE to our YouTube channel to get latest Tollywood updates.
