Saif Ali Khan: నాన్న, నువ్వు చనిపోతావా.. కొడుకు మాటకు చలించిన హీరో!

బాలీవుడ్ స్టార్ సైఫ్ అలీ ఖాన్‌పై (Saif Ali Khan) జరిగిన దాడి సినీ ఇండస్ట్రీతో పాటు అభిమానులను కూడా కలవరపెట్టింది. జనవరి 16న బాంద్రాలోని తన నివాసంలో అనుకోని ఘటన ఎదుర్కొన్న సైఫ్, కుటుంబ సహాయంతో ఆసుపత్రికి తరలించబడ్డాడు. కత్తితో దాడి చేసిన దుండగుడిని పోలీసులు అదుపులోకి తీసుకుని విచారణ కొనసాగిస్తున్నారు. ఈ ఘటన తర్వాత తొలిసారిగా సైఫ్ ఓ ఇంటర్వ్యూలో తన అనుభవాలను పంచుకున్నారు. సైఫ్ తన భయానక అనుభవాన్ని గుర్తుచేసుకుంటూ, దాడి సమయంలో తన కుర్తా పూర్తిగా రక్తంతో తడిసిపోయిందని చెప్పారు.

Saif Ali Khan

తాను ఆసుపత్రికి వెళ్లడానికి సిద్ధమవుతున్న సమయంలో కరీనా కపూర్ (Kareena Kapoor) ఆటో లేదా క్యాబ్ కోసం ప్రయత్నించిందని, అయితే అప్పటికి తన కొడుకు తైమూర్ తన దగ్గరికి వచ్చి “నాన్న, నువ్వు చనిపోతావా?” అని అడగడం, తనను తీవ్ర భావోద్వేగానికి గురిచేసిందని చెప్పారు. తైమూర్ మాటలు విన్నప్పుడే అసలు పరిస్థితి ఎంత తీవ్రమైందో తనకు అర్థమైందని, తన కొడుకును భయపెట్టకుండా బాగానే ఉన్నాను అని చెప్పేందుకు ప్రయత్నించినా, తైమూర్ తనను వదలకుండా ఆసుపత్రికి వెంట వచ్చాడని సైఫ్ వెల్లడించారు.

ఇక తన పక్కన కొడుకు ఉన్నందున తనకు ఒంటరి అనిపించలేదని చెప్పారు. ఈ ఘటన తర్వాత సైఫ్ ప్రస్తుతం కోలుకుంటున్నాడని, కుటుంబ సభ్యుల మద్దతుతో మానసికంగా ధైర్యంగా ఉన్నట్లు తెలుస్తోంది. బాలీవుడ్‌లో ఈ వార్త పెద్ద చర్చనీయాంశంగా మారింది. సినీ ప్రముఖులు, అభిమానులు సైఫ్ ఆరోగ్యంగా తిరిగి రావాలని ఆకాంక్షిస్తున్నారు.

ఈ ఘటన తర్వాత సైఫ్ భద్రతను మరింత కట్టుదిట్టంగా చేయాలని కుటుంబం నిర్ణయించుకుంది. సైఫ్ అలీ ఖాన్ పై జరిగిన ఈ దాడి బాలీవుడ్‌కి భారీ షాక్ ఇచ్చిన సంఘటనల్లో ఒకటిగా నిలిచింది. ఆయన కుటుంబం, అభిమానులు ఈ సంఘటనను సులభంగా మర్చిపోలేరని స్పష్టం అవుతోంది.

కళ్యాణ్ కృష్ణ.. ఫైనల్ గా సినిమా మొదలుపెట్టబోతున్నాడా?