Samantha: అంత చలిలో కూర్చుంటే వచ్చే లాభమేంటి? సమంత కొత్త వైద్యం చూశారా?

అనారోగ్యం పాలైతే ఎవరికీ చెప్పకుండా వైద్యం చేయించుకున్న హీరోయిన్లను, నటులను మనం చాలా మందిని చూశాం. తర్వాత ఎన్నేళ్లకో వాళ్లంతట వాళ్లు చెబితే కానీ ఆ విసయం మనకు తెలియదు. ఇలాంటి రోజుల్లో ఓ హీరోయిన్‌ తనకు ఓ రుగ్మత వచ్చింది అంటూ చెప్పుకొచ్చేసరికి అభిమానులు, ప్రేక్షకులు తొలుత ఆశ్చర్యపోయారు. ఆ తర్వాత త్వరగా కోలుకోవాలని కోరుకున్నారు. ఆ హీరోయిన్‌ సమంత అని ప్రత్యేకంగా చెప్పక్కర్లేదు. ప్రస్తుతం వైద్యం తీసుకుంటున్న ఆమె మరో కొత్త థెరపీ తీసుకున్నారు.

సమంత గత కొంత కాలంగా మయోసైటిస్ అనే రుగ్మతతో బాధపడుతోంది. సినిమాలకు గ్యాప్‌ ఇచ్చి మరీ కొంత కాలం పాటు చికిత్స తీసుకుంది. ఆ తర్వాత సినిమాలు, వెబ్ సిరీస్‌లో నటించింది. అయితే ఇప్పుడు మళ్లీ రెస్ట్‌ మోడ్‌లో ఉంది. కంప్లీట్‌గా ఆరోగ్యం మీదే ఫోకస్ పెట్టడానికే ఈ నిర్ణయం తీసుకుంది. మయోసైటిస్‌ నుండి బయటపడటంతో పాటు, మానసిక ప్రశాంతత కూడా ఉండేలా తన ప్రయత్నాలు తాను చేస్తోంది. ఈ క్రమంలో కొత్త థెరపీ తీసుకుందని సమాచారం.

సమంత (Samantha) ప్రస్తుతం కైరో థెరపీ చేయించుకుంటోంది. ఈ ట్రీట్మెంట్‌కు సంబంధించిన వీడియోను సమంత ఇన్‌స్టా స్టేటస్‌లో షేర్ చేసింది. పొగలు కక్కే చలిలో ఓ టబ్‌లో కూర్చుని సమంత కనిపించింది. చలి తీవ్రత -150 డిగ్రీల ఫారెన్ హీట్ ఉన్నట్లు అక్కడ డిస్ ప్లేలో కనిపిస్తోంది. దీంతో ఇంత చలిలో ఎలా ఉంది? ఎందుకు ఈ ట్రీట్‌మెంట్ తీసుకుంటోంది అంటూ నెటిజన్లు గూగుల్‌లో సెర్చ్‌ చేస్తున్నారు. తెలుసుకున్నాక ఆ రుగ్మత ఇంత ఇబ్బంది పెడుతోందా అని అనుకుంటున్నారు.

ఇమ్యూనిటీ వ్యవస్థను యాక్టివేట్ చేయడానికి కైరో థెరపీ ఉపయోగపడుతుందట. ఈ థెరపీ వల్ల వ్యాధికారక క్రిములతో పోరాడే తెల్ల రక్తకణాలు పెరుగుతాయి. రక్త ప్రసరణ సరిగ్గా జరిగేలా చేస్తుందట. మెంటల్ హెల్త్‌తో పాటు శక్తిని కూడా ఈ థెరపీ అందిస్తుందట. సమంత చివరగా ‘ఖుషి’ సినిమాలో కనిపించింది. వరుణ్ ధావన్‌తో కలిసి నటించిన ‘సిటడెల్‌’ వెబ్‌ త్వరలో ప్రేక్షకుల ముందుకొస్తుందని సమాచారం.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!