Oke Oka Jeevitham Teaser: ఈసారి శర్వా హిట్టు కొట్టేలా ఉన్నాడుగా..!

‘డ్రీం వారియర్ పిక్చర్స్’ పతాకం పై ఎస్.ఆర్.ప్రకాష్ బాబు,ఎస్.ఆర్.ప్రభు లు నిర్మాతలుగా శ్రీ కార్తీక్ దర్శకత్వంలో తెరకెక్కుతున్న చిత్రం ‘ఒకే ఒక జీవితం’. శర్వానంద్, ప్రియదర్శి, వెన్నెల కిషోర్.. ప్రధాన పాత్రలు పోషిస్తున్న ఈ చిత్రంలో రీతూ వర్మ హీరోయిన్ కాగా అక్కినేని అమల ఓ కీలక పాత్ర పోషిస్తుంది. నాజర్ కూడా చాలా ప్రాముఖ్యమైన పాత్రని పోషిస్తున్నారు. ఇది ఒక బైలింగ్యువల్ మూవీగా తెరకెక్కుతుంది. తెలుగుతో పాటు తమిళంలో ‘కణం’ అనే టైటిల్ తో ఈ చిత్రం తెరకెక్కుతుంది.

2022 లో విడుదల కాబోతున్న ఈ చిత్రానికి సంబంధించి ఓ టీజర్ ను కొద్దిసేపటి క్రితం విడుదల చేశారు. ‘ఒకే ఒక జీవితం’ టీజర్ ను బట్టి చూస్తే.. ఇది ఒక టైం ట్రావెలింగ్ మెషిన్ కాన్సెప్ట్ తో రూపొందుతున్నట్టు స్పష్టమవుతుంది. టెక్నీకల్ గా ఈ చిత్రం చాలా గ్రాండియర్ గా ఉండబోతుందని టీజర్ చూస్తే అర్ధమవుతుంది. భవిష్యత్తు నుండీ వచ్చిన ముగ్గురు కుర్రాళ్ళ ఎమోషనల్ జర్నీనే ‘ఒకే ఒక జీవితం’ అని టీజర్ తో క్లారిటీ ఇచ్చారు.

శర్వానంద్, వెన్నెల కిషోర్, ప్రియదర్శి ల నటన మరోసారి హైలెట్ గా నిలిచే అవకాశం ఉంది. జేక్స్ బిజోయ్ అందించిన బ్యాక్ గ్రౌండ్ స్కోర్ చాలా బాగుంది. ఈ టీజర్ సినిమా చూడాలనే క్యూరియాసిటీని క్రియేట్ చేస్తుంది. ఈ మధ్య కాలంలో సరైన హిట్టు లేని శర్వానంద్.. ఈ చిత్రంతో మళ్ళీ ట్రాక్ లోకి వస్తాడనే భరోసా ఇస్తుంది ఈ టీజర్. ఇంకెందుకు ఆలస్యం.. మీరు కూడా ఓ లుక్కేయండి: