చిరంజీవి 151 సినిమాలో హీరోయిన్ గా శృతిహాసన్

మెగాస్టార్ చిరంజీవి పక్కన సీనియర్ హీరోయిన్ అయితే జోడీ బాగుంటుంది. అందుకే ఆయన హీరోగా రీ ఎంట్రీ ఇచ్చిన ఖైదీ నంబర్ 150 సినిమాలో కథానాయికగా స్వీటీ అనుష్కను సంప్రదించారు. ఆమె డేట్స్ ఖాళీ లేకపోవడంతో కాజల్ అగర్వాల్ ని తీసుకున్నారు. ఇక చిరు 151 మూవీ కోసం ఇప్పుడే హీరోయిన్ వేట మొదలయిపోయింది. రామ్ చరణ్ నిర్మాణంలో సురేందర్ రెడ్డి దర్శకత్వంలో రూపుదిద్దుకోనున్న ఉయ్యాల వాడ నరసింహా రెడ్డి సినిమాలో నటించమని చిత్ర బృందం మొదట అనుష్కను సంప్రదించింది. ఆమె ఈ ఆఫర్ ని సున్నితంగా తిరస్కరించినట్లు సమాచారం. అందుకే ఆ ఛాన్స్ ఇప్పుడు శృతిహాసన్ వద్దకు వెళ్లింది. ఈ భామ మెగాస్టార్ తమ్ముడు పవన్ కళ్యాణ్, తనయుడు రామ్ చరణ్ పక్కన నటించింది.

శృతి హీరోయిన్ గా చేసిన గబ్బర్ సింగ్, ఎవడు సినిమాలు సూపర్ హిట్ గా నిలిచాయి. మెగా హీరోలతో ఈ బ్యూటీ  జోడి విజయాన్ని అందిస్తుండడంతో ఆమెనే ఈ చిత్రానికి తీసుకోవాలని చిత్ర బృందం సంప్రదించింది. అందుకు శృతి ఒకే చెప్పినట్లు టాక్. ఈ విషయాన్ని నిర్మాత రామ్ చరణ్ త్వరలో అధికారికంగా ప్రకటించనున్నారు. మెగాస్టార్ 151 సినిమాకు ప్రస్తుతం పరుచూరి బ్రదర్స్ స్క్రిప్ట్ సిద్ధం చేసే పనిలో బిజీగా ఉన్నారు.

Also, do SUBSCRIBE to our YouTube channel to get latest Tollywood updates.