Suma,Rajeev Kanakala : లవ్ స్టోరీ సినిమాపై సుమ రివ్యూ ఇదే!

October 1, 2021 / 07:17 PM ISTByFilmy Focus

Join Us

Suma,Rajeev Kanakala : లవ్ స్టోరీ సినిమాపై సుమ రివ్యూ ఇదే!

గత నెల 24వ తేదీన రిలీజైన లవ్ స్టోరీ సినిమా పాజిటివ్ టాక్ ను సొంతం చేసుకోవడంతో పాటు రెండు తెలుగు రాష్ట్రాల్లో బాగానే కలెక్షన్లను సాధిస్తున్న సంగతి తెలిసిందే. ఈ వారం విడుదలైన రిపబ్లిక్ సినిమాకు పాజిటివ్ టాక్ రాకపోవడంతో లవ్ స్టోరీ మరో వారం పాటు బాగానే కలెక్షన్లను సాధించే అవకాశాలు అయితే ఉన్నాయి. లవ్ స్టోరీ సినిమాలో సాయిపల్లవి బాబాయ్ పాత్రలో రాజీవ్ కనకాల నటించిన సంగతి తెలిసిందే.

రాజీవ్ కనకాల పాత్ర గురించి ప్రేక్షకుల నుంచి భిన్నాభిప్రాయాలు వ్యక్తమయ్యాయి. తాజాగా యాంకర్ సుమ కొంతమంది నటులు మాత్రమే తమ నటనతో మనస్సులను తాకుతారని అలాంటి నటులలో తన భర్త రాజీవ్ కూడా ఒకరని చెప్పుకొచ్చారు. లవ్ స్టోరీ సినిమాలో పాత్ర చేయడానికి రాజీవ్ ఎంతో ఇబ్బంది పడ్డాడని సుమ వెల్లడించారు. అయితే ఆ పాత్ర ద్వారా రాజీవ్ ఎంతోమందిని ప్రభావితం చేశాడని సుమ అన్నారు. సాయిపల్లవి డ్యాన్స్ చూసి తన కళ్లు అలసిపోయాయని సుమ పేర్కొన్నారు.

సున్నితమైన కథను మరింత సున్నితంగా చెప్పారంటూ సుమ శేఖర్ కమ్ములకు ధన్యవాదాలు తెలిపారు. లవ్ స్టోరీ టీమ్ మొత్తానికి తన అభినందనలు అని సాయిపల్లవి డ్యాన్స్ ఎక్కడ మిస్ అవుతానో అని కంటిరెప్పను కూడా తాను వాల్చలేదని సుమ చెప్పారు. రాజీవ్ కనకాల, సుమ మధ్య విభేదాలు ఉన్నాయని గతంలో వార్తలు వైరల్ అయ్యాయి. అయితే రాజీవ్ నటించిన సినిమాల గురించి స్పందిస్తూ తమ మధ్య ఏ సమస్య లేదని సుమ చెప్పకనే చెబుతున్నారు.