Srinidhi Shetty: తప్పు తెలుసుకున్న కేజీఎఫ్ హీరోయిన్..!

‘కె.జి.ఎఫ్ చాప్టర్ 1’ చిత్రంతో హీరోయిన్ గా ఎంట్రీ ఇచ్చింది శ్రీనిధి శెట్టి. మొదటి సినిమాతోనే పాన్ ఇండియా లెవెల్లో పాపులర్ అయిపోయింది. ఆ తర్వాత ‘కె.జి.ఎఫ్ చాప్టర్ 2’ రూపొందింది. అది కూడా దేశవ్యాప్తంగా పెద్ద బ్లాక్ బస్టర్ అయ్యింది. 1000 కోట్లకు పైగా షేర్ ని కలెక్ట్ చేసింది ఆ సినిమా. దీంతో శ్రీనిధి శెట్టికి క్రేజ్ పెరిగింది. అయితే తర్వాత ఈమె ఊహించని విధంగా పారితోషికం పెంచేసింది.

‘కోబ్రా’ సినిమా కోసం ఈమె ఏకంగా రూ.5 కోట్లు పారితోషికం తీసుకుంది అంటూ కోలీవుడ్ మీడియా కోడై కూసింది. అయితే ఆ సినిమా ఆశించిన స్థాయిలో ఆడలేదు. ఈమె పారితోషికం తెలుసుకుని దర్శకనిర్మాతలు.. ఈమెను కాంటాక్ట్ చేయడం మానేశారు. అయితే ఇప్పుడు తప్పు తెలుసుకుని దిగొచ్చింది ఈ బ్యూటీ. పారితోషికాన్ని కొంత వరకు తగ్గించుకుంది. అలాగే కాల్ షీట్ కి ఇంత అనే సర్దుబాటు కూడా చేసుకుంది.

అందువల్ల ఇప్పుడు (Srinidhi Shetty) ఈమెకు ఆఫర్లు పెరిగాయి. ప్రస్తుతం ‘డిజె టిల్లు’ ఫేమ్ సిద్దు జొన్నలగడ్డ నటిస్తున్న తెలుసు కదా చిత్రంలో ఓ హీరోయిన్ గా నటిస్తుంది. మెయిన్ హీరోయిన్ గా మాత్రం రాశీ ఖన్నా నటిస్తున్నట్టు సమాచారం. మరోపక్క కిచ్చా సుదీప్ హీరోగా నటిస్తున్న సినిమాలో కూడా హీరోయిన్ గా ఎంపికైంది. ఇలా శ్రీనిధి శెట్టి.. 5 ఏళ్ళ తర్వాత ఆఫర్లు అందుకుంటుంది. మరి ఇక నుండి ఆమె సినిమాల సంఖ్య మరింత పెరుగుతుందేమో చూడాలి.

భగవంత్ కేసరి సినిమా రివ్యూ & రేటింగ్!

లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!