Rajinikanth: బాలయ్య ‘వీరసింహా రెడ్డి’ చూసి రజినీ కాంత్ ఏమన్నారంటే.!

నటసింహ నందమూరి బాలకృష్ణ ఈ సంక్రాంతికి ‘వీరసింహా రెడ్డి’ గా ప్రేక్షకాభిమానుల ముందుకు వచ్చాడు.. యంగ్ డైరెక్టర్ గోపిచంద్ మలినేని దర్శకత్వంలో.. మైత్రీ మూవీ మేకర్స్ నిర్మించిన ఈ యాక్షన్ అండ్ ఫ్యామిలీ ఎంటర్‌టైనర్‌లో సిస్టర్ సెంటిమెంట్ ప్రేక్షకులకు బాగా కనెక్ట్ అయింది.. తండ్రీ కొడుకులుగా బాలయ్య ద్విపాత్రాభినయం ఫ్యాన్స్‌కి సాలిడ్ ఫెస్టివల్ ట్రీట్ ఇచ్చింది.. శృతి హాసన్ తొలిసారి బాలయ్యతో జతకట్టగా.. లాల్, ‘దునియా’ విజయ్, వరలక్ష్మీ శరత్ కుమార్, హనీ రోజ్, అజయ్ ఘోష్ కీలకపాత్రల్లో కనిపించారు.

ప్రీమియర్స్ నుండే పాజిటివ్ టాక్‌ తెచ్చుకుని.. తెలుగు రాష్ట్రాల్లో భారీ స్థాయిలో విడుదలై.. నటసింహ కెరీర్‌లో అత్యధిక వసూళ్లు రాబట్టి.. బిగ్గెస్ట్ హిట్‌గా నిలిచింది. ‘వీరసింహా రెడ్డి’ గా తన నటవిశ్వరూపాన్ని చూపించాడు బాలయ్య. ఎప్పటిలానే తన పవర్‌ఫుల్ డైలాగ్స్‌తో థియేటర్లలో డైనమెట్స్ పేల్చాడు. వయసు 60 పైబడినా కానీ 30 ఏళ్ల యువకుడిలా స్టెప్స్ వేసి సర్‌ప్రైజ్ చేశాడు. సినిమా పరిశ్రమ వారు కూడా 2023 సంక్రాంతికి బాలయ్య సినిమతో తెలుగు చలనచిత్ర పరిశ్రమకు కొత్త ఉత్సాహం,

పండుగ వాతావరణం వచ్చాయంటూ సామాజిక మాధ్యమాల ద్వారా పోస్టులు చేశారు. యంగ్ టైగర్ ఎన్టీఆర్ ఫ్యామిలీతో కలిసి అమెరికాలో సినిమా చూసిన సంగతి తెలసిందే. ఇక తాజాగా సౌత్ ఇండియన్ సూపర్‌స్టార్ రజినీ కాంత్ బాలయ్య ‘వీరసింహా రెడ్డి’ చిత్రాన్ని చూశారు. అనంతరం దర్శకుడు గోపిచంద్ మలినేనికి కాల్ చేసి అభినందించారు. ఈ విషయాన్ని డైరెక్టర్ గోపి ట్విట్టర్ ద్వారా షేర్ చేశాడు.‘‘రజినీ కాంత్ సార్ ‘వీరసింహా రెడ్డి’ సినిమా చూశారు.

ఫోన్ చేసి, సినిమా తనకు బాగా నచ్చిందని.. ఎమోషన్స్ క్యారీ చేసిన విధానం బాగుందంటూ నా దర్శకత్వ ప్రతిభను ప్రశంసించారు. రజినీ కాంత్ గారి ఫోన్ కాల్ కంటే ఈ ప్రపంచంలో నాకేదీ ఎక్కువ కాదు అనిపించింది’’ అంటూ తన ఆనందాన్ని వ్యక్తపరిచాడు డైరెక్టర్ గోపిచంద్ మలినేని. బాలయ్య తన తర్వాత సినిమాని అనిల్ రావిపూడితో చేస్తున్నాడు. ఇప్పటికే ఓ షెడ్యూల్ పూర్తి చేసుకుందీ చిత్రం.

This is a surreal moment for me

Received a call from the Thalaivar, The Superstar @rajinikanth sir. He watched #VeeraSimhaReddy and loved the film.

His Words of praise about my film and the emotion he felt are more than anything in this world to me. Thankyou Rajini sir

— Gopichandh Malineni (@megopichand) January 29, 2023

2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!

షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?