టాలీవుడ్‌ సినిమాల్లో మళ్లీ స్పెషల్ సాంగ్స్‌ హడావుడి మొదలైంది. గతంలో మాదిరిగా ఇప్పుడు ప్రతి పెద్ద హీరో సినిమాలో ఓ ఐటెమ్‌ సాంగ్‌ అనేలా కనిపిస్తుంది. అందరూ అని చెప్పలేం కానీ… మ్యాగ్జిమమ్‌ అని చెప్పొచ్చు. అలా ప్రస్తుతం సెట్స్‌ మీద ఉన్న ఓ అగ్ర హీరో సినిమా కూడా తమన్నాను స్పెషల్ సాంగ్‌ కోసం తీసుకోవాలని చూస్తున్నారట. ఆ హీరోనే నందమూరి బాలకృష్ణ. ఈ మేరకు దర్శకుడు కేఎస్‌ రవీంద్ర (బాబి) ఏర్పాట్లు చేస్తున్నారని సమాచారం.
బాబి – బాలయ్య (Balakrishna) కాంబినేషన్‌లో సితార ఎంటర్‌టైన్మెంట్స్‌ బ్యానర్‌ మీద ఓ సినిమా తెరకెక్కుతోంది. బాలయ్య 108వ సినిమాగా రూపొందుతున్న ఈ చిత్రంలో ముగ్గురు కథానాయికలు ఉంటారు అని ఇప్పటికే లీకులు వచ్చాయి. అందులో ఓ హీరోయిన్‌గా ఐటెమ్‌ భామను తీసుకొన్నారు. దీంతో ఆమెతోనే ఐటెమ్‌ సాంగ్‌ పెడతారు అని అనుకుంటే… ఆమెను హీరోయిన్‌గానే తీసుకున్నాం, ఐటెమ్‌ సాంగ్‌ కోసం వేరే హీరోయిన్‌ను చూస్తున్నాం అని అంటున్నారు.
అన్నీ అనుకున్నట్లుగా జరిగితే ఆ హీరోయిన్‌ తమన్నా అని చెబుతున్నారు. ఈ మేరకు ఆమెతో చర్చలు జరుగుతున్నాయి అని టాక్‌. అన్నీ ఓకే అయితే బాలయ్యతో తమన్నా ‘కావాలయ్యా’ స్టైల్‌ సాంగ్‌ ఒకటి ఉంటుంది అని చెబుతున్నారు. నిజానికి ‘భగవంత్‌ కేసరి’ సినిమాతో బాలయ్యతో సీనియర్ హీరోయిన్లు నటించడం షురూ అయింది. కాజల్‌ ఆ సినిమాలో నాయికగా నటించిన విషయం తెలిసిందే. ఇప్పుడు తమన్నా కూడా ఆ లిస్ట్‌లో చేరిపోయింది అన్నమాట.
ఇక ఈ సినిమాలో ఓ హీరోయిన్‌గా మీనాక్షి చౌద‌రిని తీసుకున్నారని టాక్‌. ఊర్వశి రౌటేలా పార్ట్‌ షూటింగ్‌ కూడా అయిపోయింది అని అంటున్నారు. మరో హీరోయిన్‌గా తెలుగు అమ్మాయిని ఎంపిక చేశారని వార్తలొస్తున్నాయి. అయితే ఇంతవరకు అధికారికంగా ఈ విషయం వెల్లడించలేదు. త్వరలోనే బాలయ్య 108వ సినిమా హీరోయిన్ల ప్రకటన ఉంటుంది అని చెబుతున్నారు. ‘జైలర్‌’ సినిమాలో ‘కావాలయ్య..’ పాటతో అదరగొట్టిన తమన్నా ఈ సినిమాలో ఏం చేస్తుందో చూడాలి.
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
Home