Balakrishna: బాలయ్యపై ప్రశంసల వర్షం కురిపించిన తమిళిసై.. ఏమన్నారంటే?

స్టార్ హీరో నందమూరి బాలకృష్ణ (Balakrishna) అటు సినిమాల్లో ఇటు రాజకీయాల్లో సత్తా చాటుతూ ప్రశంసలు అందుకుంటున్నారు. చంద్రబాబు ప్రమాణ స్వీకారం వేడుకల్లో సినీ, రాజకీయ ప్రముఖులను పేరుపేరునా పలకరిస్తూ ఆయన వార్తల్లో నిలిచారు. తెలంగాణ మాజీ గవర్నర్ తమిళిసై సౌందరరాజన్ బాలయ్య గురించి, బాలయ్య గొప్పదనం గురించి ప్రస్తావిస్తూ ట్వీట్ చేయగా ఆ ట్వీట్ వైరల్ అవుతోంది. తమిళిసై తన ట్వీట్ లో బాలయ్యను తెలుగు సూపర్ స్టార్ గా పేర్కొన్నారు.

బాలయ్యతో కలిసి దిగిన ఫోటోలను ఆమె సోషల్ మీడియా వేదికగా షేర్ చేసుకుంటూ లెజెండరీ యాక్టర్, మాజీ సీఎం సీనియర్ ఎన్టీఆర్ (Sr NTR) తనయుడు తెలుగు సూపర్ స్టార్ బాలయ్యను కలవడం సంతోషంగా ఉందని తమిళిసై చెప్పుకొచ్చారు. సినిమా కెరీర్ కంటే ఇండో అమెరికన్ క్యాన్సర్ హాస్పిటల్ చైర్మన్ గా బాలయ్య చేసిన గొప్ప సేవలు గమనించానని ఆమె కామెంట్లు చేశారు. తమిళిసై చేసిన ఈ ట్వీట్ కు రికార్డ్ స్థాయిలో లైక్స్ వస్తున్నాయి.

బాలయ్య అభిమానులకు తమిళిసై చేసిన పోస్ట్ ఎంతో సంతోషాన్ని కలిగిస్తోంది. బాలయ్య బాబీ (Bobby) మూవీ రెగ్యులర్ షూట్ త్వరలో మొదలుకానుండగా ఈ సినిమా కోసం, ఈ సినిమాకు సంబంధించిన అప్ డేట్స్ కోసం అభిమానులు ఒకింత ఎక్కువ ఆసక్తితో ఎదురుచూస్తున్నారు. ఈ సినిమా కూడా దసరా రేసులో నిలుస్తుందని వార్తలు వినిపిస్తున్నాయి. బాలయ్య బాక్సాఫీస్ ను షేక్ చేసే ప్రాజెక్ట్ లను ఓటేస్తూ బ్యాక్ టు బ్యాక్ బ్లాక్ బస్టర్ హిట్లను అందుకుంటున్నారు.

బాలయ్య సినిమాల బడ్జెట్లు 120 కోట్ల రూపాయల నుంచి 150 కోట్ల రూపాయలకు చేరాయి. బాలయ్య రాబోయే రోజుల్లో కెరీర్ పరంగా అంతకంతకూ ఎదగాలని అభిమానులు కోరుకుంటున్నారు. బాలయ్యను అభిమానించే ఫ్యాన్స్ సంఖ్య పెరుగుతుండగా బాలయ్య భవిష్యత్తు సినిమాలతో మరిన్ని బ్లాక్ బస్టర్ హిట్లు అందుకుంటారేమో చూడాలి.

Happy to meet Telugu super star #NandamuriBalakrishna son of legendary actor & former CM of AP NT Rama Rao.His kind heart to serve cancer patients as chairman of indo American cancer hospital in hyderabad which I have noticed besides his illustrious film career pic.twitter.com/MP2zRPZeS8

— Dr Tamilisai Soundararajan (மோடியின் குடும்பம்) (@DrTamilisai4BJP) June 12, 2024