Pawan Kalyan: పవన్ సినిమా త్రివిక్రమ్ ఒప్పుకోలేదట!

పవర్ స్టార్ పవన్ కళ్యాణ్ వరుస సినిమాల్లో నటిస్తోన్న సంగతి తెలిసిందే. ఇటీవల ‘భీమ్లానాయక్’ సినిమాతో అలరించిన ఆయన ఇప్పుడు ‘హరిహర వీరమల్లు’ షూటింగ్ లో పాల్గొంటున్నారు. క్రిష్ దర్శకత్వం వహిస్తోన్న ఈ సినిమాను వచ్చే ఏడాది సంక్రాంతికి విడుదల చేసేలా ప్లాన్ చేస్తున్నారు. ఈ సినిమా తరువాత హరీష్ శంకర్ దర్శకత్వంలో ‘భవదీయుడు భగత్ సింగ్’ అనే సినిమాలో నటించనున్నారు. అలానే సురేందర్ రెడ్డి దర్శకత్వంలో మరో సినిమా చేయనున్నారు.

అయితే ఈ ప్రాజెక్ట్స్ మధ్యలోనే ఓ చిన్న సినిమాను పూర్తి చేయాలనుకుంటున్నారు పవన్ కళ్యాణ్. తమిళంలో సముద్రఖలి దర్శకత్వం వహించిన ‘వినోదయ సిత్తం’ అనే సినిమా అక్కడ పెద్ద సక్సెస్ అయింది. ఇప్పుడు ఈ సినిమాను తెలుగులో రీమేక్ చేయాలనుకుంటున్నారు. ఇందులో పవన్ కళ్యాణ్ లీడ్ రోల్ పోషించనున్నారు. ఆయనతో పాటు మరో మెగాహీరో ఇందులో కనిపిస్తారని సమాచారం.

అయితే ఈ సినిమా స్క్రిప్ట్ బాధ్యతలు త్రివిక్రమ్ తీసుకుంటారని ప్రచారం జరిగింది. ‘భీమ్లానాయక్’ సినిమాను నడిపించినట్లు ఈ సినిమా విషయంలో కూడా త్రివిక్రమ్ దగ్గరుండి అన్నీ చూసుకుంటారని వినిపించింది. అయితే ఈ సినిమాకి త్రివిక్రమ్ పని చేయడం లేదట. రీమేక్ స్క్రిప్ట్ బాధ్యతలను బుర్రా సాయిమాధవ్ కి అప్పగించారని తెలుస్తోంది. ప్రస్తుతం పవన్ కళ్యాణ్ ‘హహరివీరమల్లు’ సినిమాకి సాయిమాధవ్ బుర్రా డైలాగ్ రైటర్ గా పని చేస్తున్నారు.

ఇప్పుడు ఆయన ఈ రీమేక్ బాధ్యతలు కూడా తీసుకుంటారని సమాచారం. మొదట ఈ సినిమాను త్రివిక్రమ్ చేయాలనుకున్నారు. కానీ ఆయన మహేష్ బాబు ప్రాజెక్ట్ తో బిజీగా ఉండడంతో సమయం దొరకడం లేదు. దీంతో సాయిమాధవ్ బుర్రాను రంగంలోకి దింపినట్లు తెలుస్తోంది. ఒరిజినల్ వెర్షన్ ను డైరెక్ట్ చేసిన సముద్రఖని ఈ రీమేక్ ని కూడా డైరెక్ట్ చేయబోతున్నారు. త్వరలోనే ఈ సినిమాకి సంబంధించిన మరిన్ని వివరాలు తెలియనున్నాయి.

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!