Prabhas: ప్రభాస్ కోసం ఆ ఇద్దరు వెయిటింగ్?

రెబల్ స్టార్ ప్రభాస్ రాధే శ్యామ్ సినిమాతో ఇటీవల ఊహించని విధంగా బిగ్గెస్ట్ డిజాస్టర్ ను సొంతం చేసుకున్న విషయం తెలిసిందే. అయితే తదుపరి సినిమా మాత్రం ఎలాగైనా బాక్సాఫీస్ వద్ద మంచి విజయాన్ని సొంతం చేసుకోవాలని కష్టపడుతున్నాడు. ప్రభాస్ తదుపరి సినిమా ఆదిపురుష్ రామాయణం ఆధారంగా తెరపైకి రాబోతోంది ఈ సినిమాను సంక్రాంతికి విడుదల చేస్తున్న విషయం తెలిసిందే. ఆ తర్వాత ప్రశాంత్ నీల్ దర్శకత్వంలో తెరకెక్కుతున్న సలార్ సినిమా ప్రేక్షకుల ముందుకు రాబోతోంది. ఆ సినిమాపై కూడా అంచనాలు గట్టిగానే ఉన్నాయి

అలాగే ప్రభాస్ లైనప్ లో నాగ్ అశ్విన్ దర్శకత్వంలో చేస్తున్న ప్రాజెక్ట్ K తో పాటు సందీప్ రెడ్డి వంగా దర్శకత్వంలో స్పిరిట్ అనే మరొక సినిమా చేస్తున్నాడు. అయితే ఈ రెండు సినిమాల కంటే ముందే ప్రభాస్ మారుతి దర్శకత్వంలో జెట్ స్పీడ్ లో ఒక సినిమాను పూర్తి చేయాలని అనుకుంటున్నా విషయం తెలిసిందే. హారర్ కాన్సెప్ట్ గా తెరకెక్కబోయే ఆ సినిమాను వీలైనంత వరకు కేవలం ఒక లోకేషన్ లోనే షూటింగ్ మొత్తాన్ని నిర్వహించాలని అనుకుంటున్నారు.

ఇప్పటికే గచ్చిబౌలి కి సమీపంలోని ఒక అల్యూమినియం ఫ్యాక్టరీలో అతిపెద్ద బంగ్లా సెట్ కూడా వేశారు. 90% షూటింగ్ మొత్తం అక్కడే జరుగుతుంది అని సమాచారం. అయితే ఈ సినిమా షూటింగ్ ప్రభాస్ ఎప్పుడు మొదలు పెడతాడు అనేది పెద్ద కన్ఫ్యూజన్. అయితే ఎప్పుడు మొదలు పెట్టినా కూడా దర్శకుడు మారుతి సిద్ధంగా ఉండాలని అలాగే హీరోయిన్ మాళవిక మోహనం కూడా రెడీగా ఉండాలి అని నిర్మాతలు సూచించారట.

ప్రభాస్ ఒకసారి షూటింగ్ మొదలు పెడితే ఏ మాత్రం ఆపడు కాబట్టి ఎలాంటి గ్యాప్ లేకుండా దర్శకుడు, హీరోయిన్ సిద్ధంగా ఉండాలి అని ముందుగానే అగ్రిమెంట్ చేసుకున్నట్లుగా తెలుస్తోంది. మాళవిక మోహనన్ కూడా కొత్త ప్రాజెక్టులను ఓకే చేయడంలో కాస్త వెనుకడుగు వేయడానికి కూడా ఇదే కారణమని టాక్. ఎలాగైనా ఈ బ్యూటీ ప్రభాస్ తో సినిమా చేయాలనే ఇంతవరకు వచ్చిన కొన్ని తెలుగు ఆఫర్స్ ను కూడా రిజెక్ట్ చేసినట్లు సమాచారం.

సర్కారు వారి పాట సినిమా రివ్యూ & రేటింగ్!

Most Recommended Video

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!

Share.